ផ្លឹស-ខេអេក ញូវ

«សមរភូមិសំណើច» រឿងធំហើយ! ប្រធានក្លិបចុះមកមើលផ្ទាល់ មេចុងភៅមានតែបន្លំភ្នែកធ្វើជាយកចិត្តទុកដាក់លើកីឡាករ

Football Comedy, កម្សាន្ត, កីឡា
February 12th, 2025 (1 month)
Views: 142
Share

នៅក្នុងសប្ដាហ៍ទី១១ កម្មវិធី «សមរភូមិសំណើច» ដែលទទួលបានការឧបត្ថម្ភផ្ដាច់មុខដោយភេសជ្ជៈប៉ូវកម្លាំង WURKZ និងទឹកពិសាកម្ពុជា នឹងបង្ហាញពីទស្សនីយភាពថ្មីប្លែក ដោយប្រធានក្លិបនឹងឆ្លៀតទៅសួរសុខទុក្ខបុគ្គលិកនិងកីឡាករដោយផ្ទាល់ ដើម្បីពិនិត្យមើលស្ថានភាពទាំងមូលរបស់ក្លិបបាល់ទាត់ផ្ការីកគ្រប់រដូវ។

សម្រាប់ការមកទស្សនាក្លិបលើកនេះ មេចុងភៅនឹងរកវិធីដើម្បីបំភ័ន្តភ្នែករបស់ប្រធានក្លិបមិនឱ្យដឹងពីការពិតនូវចេតនាមិនល្អរបស់ខ្លួន ដែលតែងតែបង្ខំឱ្យកីឡាករទិញម្ហូបរបស់ខ្លួន និងការកេងប្រវ័ញ្ចលើថវិការបស់ក្លិបដោយមិនផ្ដល់អាហារល្អៗ ដែលបង្កឱ្យមានការតវ៉ាជារឿយៗពីកីឡាករនានា ដែលទទួលរងនូវភាពអយុត្តិធម៌នាពេលកន្លងមក។

ក្រឡេកទៅមើលវិធីបិទបាំងរបស់មេចុងភៅ គឺងាយៗដោយគ្រាន់តែធ្វើជាដាក់ម្ហូបអាហារល្អៗដើម្បីបង្ហាញដល់ប្រធានក្លិប រួចជាការស្រេច។ ប៉ុន្តែតើទង្វើបិទបាំងនេះ នឹងត្រូវនាយពែកមី និងគ្នីគ្នារបស់គាត់ មានប្រតិកម្មយ៉ាងដូចម្ដេចខ្លះ ដើម្បីបង្ហាញដល់មេធំរបស់ពួកគាត់?

រង់ចាំតាមដានសាច់រឿងទាំងមូលនៅសប្ដាហ៍ទី១១ នៃកម្មវិធី «សមរភូមិសំណើច» នាថ្ងៃសុក្រ ទី១៤ ខែកុម្ភៈ ឆ្នាំ២០២៥ វេលាម៉ោង ៧ យប់នៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER!

អត្ថបទទាក់ទង