ផ្លឹស-ខេអេក ញូវ

«សមរភូមិសំណើច» សប្ដាហ៍ទី១៣៖ ខ្លាមិននៅ ឆ្មារឡើងចាងហើយ! តើអ្នកណាអាចបង្ក្រាបបងប្អូនរបស់គ្រូបង្វឹកបានទៅណ៎?

Football Comedy, កម្សាន្ត, កីឡា
February 27th, 2025 (2 years)
Views: 365
Share

នៅសប្ដាហ៍នេះ កម្មវិធី «សមរភូមិសំណើច» របស់ទូរទស្សន៍ CTN ដែលទទួលបានការឧបត្ថម្ភផ្ដាច់មុខដោយភេសជ្ជៈប៉ូវកម្លាំង WURKZ និងទឹកពិសាកម្ពុជា មានរឿងថ្មីទៀតហើយ ដោយសារប្រធានក្លិបត្រូវជាប់រវល់ និងផ្ទេរការមើលការខុសត្រូវឱ្យទៅអ្នកផ្សេង។ ប្រិយមិត្តច្បាស់ជាមានចម្ងល់ហើយមែនទេ តើអ្នកណានឹងចូលមកទទួលបន្ទុកដ៏ធំមួយនេះ?

ងាកទៅស្ថានភាពក្នុងក្លិបវិញ នៅពេលដែលមេធំមិននៅ កាន់តែវីវរ អសណ្ដាប់ធ្នាប់ខ្លាំងឡើង។ បងប្អូនរបស់គ្រូបង្វឹកជីងចក់ បានដៃហើយនៅពេលនេះ ចំណែក នាយពែកមី ដែលជាសំណព្វចិត្តរបស់ប្រធានក្លិប មិនដឹងថាត្រូវគេធ្វើបាបខ្លាំងប៉ុណ្ណាទេ។

ចាំមើលថា បងសន្តិសុខ អ្នកអនាម័យ និងកំពូលចុងភៅប្រចាំក្លិបទាំងពីរ នឹងទង្វើប្លែកអ្វីបន្តទៀត ទម្រាំប្រធានក្លិបត្រឡប់មកមើលការខុសត្រូវលើក្លិបរបស់គាត់វិញ។ «សមរភូមិសំណើច» សប្ដាហ៍នេះ ធានាថាប្លែក សើចរហូតដល់ស្ងួតជើងធ្មេញជាក់ជាមិនខាន!

រង់ចាំទស្សនាកម្មវិធី «សមរភូមិសំណើច» ថ្ងៃសុក្រ ទី២៨ ខែកុម្ភៈ វេលាម៉ោង ៧ យប់នៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER!

អត្ថបទទាក់ទង