ផ្លឹស-ខេអេក ញូវ

គណៈកម្មការ MasterChef Cambodia ណារ៉ា ចូលរួមថែរក្សាមរតកនៃម្ហូបប្រពៃណីខ្មែរ

MasterChef Cambodia
April 17th, 2025 (1 month)
Views: 155
Share

គណៈកម្មការ MasterChef Cambodia ដ៏ល្បីល្បាញគឺ Judge Nara បានចូលរួមក្នុងការថែរក្សាមរតកនៃម្ហូបខ្មែរ ដោយធ្វើការដោយមិនខ្លាចនឿយហត់ ដើម្បីការពារមុខម្ហូបប្រពៃណីរបស់កម្ពុជា។

នៅក្នុងបទសម្ភាសមួយជាមួយ Humans of Cambodia, Judge Nara បានបង្ហាញពីការព្រួយបារម្ភរបស់គាត់អំពីការបាត់បង់មុខម្ហូបខ្មែរជាច្រើននាពេលកន្លងមក ដោយសង្កត់ធ្ងន់លើសារសំខាន់នៃការរក្សានូវរសជាតិពិតប្រាកដដែលកំណត់មុខម្ហូបខ្មែរ។

Judge Nara បានបង្ហាញអំពីក្ដីបារម្ភក្នុងការការពារមុខម្ហូបរបស់ខ្មែរយ៉ាងដូច្នេះ ថា “ម្ហូបខ្មែរជាច្រើនត្រូវបានបាត់បង់”។ ទោះបីជាមានការព្យាយាមពីប្រទេសជិតខាងក្នុងការចម្លងមុខម្ហូបទាំងនេះក៏ដោយ ក៏ Judge Nara ជឿជាក់យ៉ាងមុតមាំថា ម្ហូបខ្មែរពិតអាចធ្វើទៅបាន លុះត្រាតែរៀបចំដោយចុងភៅខ្មែរ។

ក្រៅពីតួនាទីរបស់គាត់នៅក្នុងផ្ទះបាយ Judge Nara កំពុងបំពេញបេសកកម្មដើម្បីបង្ហាញពីមុខម្ហូបប្រពៃណីដែលបាត់បង់។ សម្រាប់គាត់ កេរដំណែលរបស់ប្រទេសកម្ពុជាមិនត្រឹមតែជាម្ហូបប៉ុណ្ណោះទេ ប៉ុន្តែវាគឺជាការឆ្លុះបញ្ចាំងពីប្រវត្តិសាស្ត្រ និងប្រពៃណីដ៏សម្បូរបែបរបស់ប្រទេសជាតិផងដែរ។ លោកជឿថា ម្ហូបខ្មែរមានលក្ខណៈពិសេស ទាំងគុណភាព និងរសជាតិ។ លោកបន្ថែមថា៖ “ម្ហូបរបស់យើងក៏ជាម្ហូបដ៏ល្អបំផុតផងដែរ”។

ជាមួយនឹងការលះបង់ និងការប្តេជ្ញាចិត្តឥតងាករេរបស់ Judge Nara ក្នុងការរក្សាបាននូវមរតកនៃម្ហូបខ្មែរ ការរស់ឡើងវិញនៃមុខម្ហូបប្រពៃណីនឹងត្រូវធានា ព្រោះវាបានដើរតួនាទីយ៉ាងសំខាន់ក្នុងការអភិរក្សសម្បត្តិបេតិកភណ្ឌវប្បធម៌របស់ប្រទេសជាតិ។

សូមជម្រាបថា Judge Nara គឺជាគណៈកម្មការមួយក្នុងចំណោមគណៈកម្មការទាំង៣រូប នៅក្នុងកម្មវិធីប្រកួតធ្វើម្ហូបលំដាប់ថ្នាក់ពិភពលោក MasterChef Cambodia រដូវកាលទី៤ ដែលនឹងមានចាក់ផ្សាយនៅលើកញ្ចក់ទូរទស្សន៍ CTN តែមួយគត់ក្នុងពេលឆាប់ៗនេះ។ កម្មវិធីនេះ ត្រូវបានឧបត្ថម្ភផ្ដាច់មុខដោយក្រុមហ៊ុន Khmer Beverages ៕

អត្ថបទទាក់ទង