ផ្លឹស-ខេអេក ញូវ

«សមរភូមិសំណើច» សប្ដាហ៍នេះ ជួបជាមួយការតេស្តសមត្ថភាពពិតៗរបស់ក្រុមផ្ការីកគ្រប់រដូវ ក្នុងការប្រកួតមិត្តភាពជាលើកដំបូង!

Football Comedy
March 20th, 2025 (2 years)
Views: 319
Share

បន្ទាប់ពីការហ្វឹកហាត់ ជម្លោះ និងភាពវឹកវរដែលក្លិបផ្ការីកគ្រប់រដូវជួបប្រទះជាច្រើនសប្ដាហ៍កន្លងមក ទីបំផុតដល់ពេលដែលកីឡាករទាំងអស់ ត្រូវបញ្ចេញសមត្ថភាពរបស់ពួកគេនៅលើទីលានប្រកួតឱ្យគ្រូបង្វឹកបានឃើញយ៉ាងពិតប្រាកដហើយ! កម្មវិធី «សមរភូមិសំណើច» ដែលទទួលបានការឧបត្ថម្ភផ្ដាច់មុខដោយភេសជ្ជៈប៉ូវកម្លាំង WURKZ និងទឹកពិសាកម្ពុជា សប្ដាហ៍ទី១៦ខាងមុខនេះ នឹងពាំនាំនូវការប្រកួតដ៏ពិតប្រាកដជាលើកដំបូង ដែលជាការប្រកួតមិត្តភាព។

តើការខិតខំប្រឹងប្រែងរបស់ពួកគេអាចទទួលបានផលដែរឬទេ? ស្របពេលដែលក្រុមផ្ការីកគ្រប់រដូវ កំពុងតែរៀបចំក្រុមសម្រាប់ការប្រកួតដ៏ធំនេះ បញ្ហាមួយទៀតបានលេចឡើងនោះគឺការបាត់បង់សមាជិកមួយចំនួនដោយសារបញ្ហាផ្ទាល់ខ្លួនរបស់កីឡាករ ដែលតម្រូវឱ្យគ្រូបង្វឹកជីងចក់ និងប្រធានក្រុមពែកមី ត្រូវស្វែករកយុទ្ធសាស្ត្រដើម្បីយកឈ្នះលើគូប្រកួត។

រឿងរ៉ាវជាច្រើន នឹងត្រូវលាតត្រដាង ដើម្បីបន្តផ្ដល់ជូននូវភាពសប្បាយរីករាយដល់ទស្សនិកជន ពិសេស Fan Fan នឹងកាន់តែហួសចិត្តជាមួយលោកគ្រូពេទ្យប្រចាំក្លិប ជាគ្រូពេទ្យ តែបែរជាខ្លាចម្ជុលទៅវិញ!

តើក្នុងសប្ដាហ៍ទី១៦នេះ ក្រុមផ្ការីកគ្រប់រដូវ នឹងអាចដណ្ដើមបានជ័យជម្នះពីការប្រកួតមិត្តភាពជាលើកដំបូងរបស់ពួកកេបានដែរឬទេ? ផ្ទាំងទស្សនីយភាពដ៏រីករាយទាំងនេះ នឹងត្រូវបង្ហាញនាថ្ងៃទី២១ ខែមីនា វេលាម៉ោង ៧ យប់នៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER!

អត្ថបទទាក់ទង