ផ្លឹស-ខេអេក ញូវ

«សមរភូមិសំណើច» គ្រូបង្វឹកវិលមុខហើយ មិនឱ្យកូនក្រុមលេង ព្រោះជឿជាក់លើអ្នកក្រៅ!

Football Comedy, កម្សាន្ត, កីឡា
April 23rd, 2025 (2 years)
Views: 486
Share

ពីកម្មវិធី «សមរភូមិសំណើច» ដែលឧបត្ថម្ភផ្ដាច់មុខដោយ ភេសជ្ជៈប៉ូវកម្លាំង WURKZ និងទឹកពិសាកម្ពុជា នៅក្នុងសប្ដាហ៍នេះ ជម្លោះរវាងគ្រូបង្វឹកនិងកូនក្រុមបានផ្ទុះឡើងសាជាថ្មី ព្រោះតែកីឡាករមួយចំនួនមិនពេញចិត្តនឹងគ្រូបង្វឹកជីងចក់ ដែលមិនបានដាក់ឱ្យចូលលេង តែបែរជាឱ្យកីឡាករថ្មីមកលេងជំនួសទៅវិញ!

ចំណែកបញ្ហានៅក្នុងផ្ទះបាយក៏មិនផ្ទុះឡើងដែរ ព្រោះតែមេចុងភៅប្តីកំហូច នាយក្រូច របស់ស្រីតុ លួចទាក់ទងស្រី ត្រូវប្រពន្ធចាប់បានលេងឆាតជាមួយគ្នា បណ្ដាលឱ្យបងប្អូនសាច់ញាតិត្រូវវិលមុខមិនស្ទើរ ដើម្បីជួយសម្រួលស្ថានការណ៍កុំឱ្យកាន់តែឈ្លោះគ្នាខ្លាំងឡើង។

លឺថាសប្ដាហ៍នេះ ក្រុមផ្ការីកគ្រប់រដូវចេញលេងម្ដងទៀតហើយ ដោយលេងមិត្តភាពជាមួយក្រុមដែលមិនធ្លាប់ស្គាល់ តើគេលេងមិត្តភាពក្នុងគោលបំណងអ្វី? តើក្រុមរបស់ប្រធានក្រុមពាក់មី អាចស្ដារមុខមាត់ដណ្ដើមជ័យជម្នះពីគូប្រកួតបានដែរឬទេ ឬក៏បន្តចាញ់ដូចកាលពីលើកមុនទៀត?

ទាំងអស់នេះ នឹងត្រូវបង្ហាញនៅក្នុងកម្មវិធី «សមរភូមិសំណើច» សប្ដាហ៍ទី២១ ដែលនឹងមានចាក់ផ្សាយនៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER នាថ្ងៃទី២៥ ខែមេសា វេលាម៉ោង ៧ យប់តទៅ!

អត្ថបទទាក់ទង