ផ្លឹស-ខេអេក ញូវ

សមរភូមិសំណើច សប្ដាហ៍ទី២៣៖ ពូក្រូចប៉ះមីងតុ បែកផ្កាភ្លើងពេញផ្ទះបាយ តើអ្នកណាអាចពន្លត់ភ្លើងនេះបាន?

Football Comedy, កម្សាន្ត, កីឡា
May 8th, 2025 (2 weeks)
Views: 103
Share

រឿងថ្មីទៀតហើយ! សប្តាហ៍នេះ សមរភូមិសំណើច នឹងបន្តពាំនាំយកនូវរឿងដ៏អស់សំណើចដោយសារភ្លើងប្រចណ្ឌ និងជម្លោះដ៏ក្តៅគគុកនៅក្នុងផ្ទះបាយ ដែលកើតឡើងរវាងប្ដីប្រពន្ធ ពូក្រូចនិងមីងតុ ដែលជាចុងភៅប្រចាំក្លិបផ្ការីកគ្រប់រដូវ។

នៅសុខៗ ស្រាប់តែ មីងតុ ទៅស្និតស្នាលជាមួយប្រុសសង្ហាដែលជាកីឡាករ រួចថែមទាំងថតវីដេអូ TikTok លេងជាមួយគ្នាទៀត ដែលបានបង្កជាភ្លើងប្រចណ្ឌ ធ្វើឱ្យ ពូក្រូច អន់ទ្រាំមិនបាន ឈ្លោះគ្នាមួយប្រាវ។ ចំណែកមីងតុ ក៏មិនណយពន្លះពូក្រូចយ៉ាងចាស់ដៃ ហើយថែមទាំងជីកកកាយរឿងដែលពូក្រូចធ្លាប់លួចលេងឆាតជាមួយស្រីថែមទៀត។ សង្ស័យតែចង់សងសឹកពូក្រូចហើយមើលទៅ!

ចំណែកបញ្ហាជម្លោះបក្ខពួករវាងគ្រួសារគ្រូបង្វឹកនិងក្រុមកីឡាករវិញ ក៏ដោះស្រាយរួចរាល់ ដោយអ្នកអនាម័យនិងលោកគ្រូពេទ្យដែលជាបងប្អូនពូនិងមីងចុងភៅ ឃើញថាចាប់ផ្ដើមយកចិត្តទុកដាក់លើកីឡាករវិញហើយ។ ចំណែកគ្រូបង្វឹកវិញ សប្ដាហ៍នេះ មិនត្រឹមតែបង្វឹករាងកាយទេ ប៉ុន្តែថែមទាំងបង្ហាត់ខាងចិត្តសាស្រ្តទៀត។

តើនេះសញ្ញាល្អសម្រាប់ក្លិបផ្ការីក ឬក៏យ៉ាងណា? តើភ្លើងប្រចណ្ឌក្នុងគ្រួសារចុងភៅ នឹងត្រូវពន្លត់ដោយអ្នកណា? ទាំងអស់នេះ នឹងត្រូវបង្ហាញនៅក្នុងកម្មវិធី សមរភូមិសំណើច សប្ដាហ៍ទី២៣ ដែលនឹងមានចាក់ផ្សាយនៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER នាថ្ងៃទី៩ ខែឧសភា វេលាម៉ោង ៧ យប់តទៅ!

អត្ថបទទាក់ទង