ផ្លឹស-ខេអេក ញូវ

នំអាកោត្នោត និងនំអន្សមត្នោត ត្រូវបង្ហាញនៅក្នុងកម្មវិធីលំដាប់ថ្នាក់ពិភពលោក MasterChef Cambodia រដូវកាលទី៣

MasterChef Cambodia
May 21st, 2025 (1 year)
Views: 188
Share

បង្អែមបែបប្រពៃណីខ្មែរ រួមមាន នំអាកោត្នោត និងនំអន្សមត្នោត ដែលផ្សំចេញពីគ្រឿងផ្សំគោលត្នោតខ្មែរដ៏ល្បីល្បាញ ត្រូវបានបង្ហាញនៅក្នុងកម្មវិធីប្រកួតចម្អិនម្ហូបលំដាប់ថ្នាក់ពិភពលោក MasterChef Cambodia រដូវកាលទី៣ ដើម្បីជំរុញម្ហូបអាហារខ្មែរឱ្យដល់ឆាកអន្តរជាតិ ដែលវាជាចលករមួយដ៏សំខាន់នៅក្នុងការរួមចំណែកដល់ការលើកស្ទួយវិស័យទេសចរណ៍ផងដែរ។

នៅក្នុងការប្រកួតវិញ្ញាសាជាក្រុមសាជាថ្មី កាលពីសប្ដាហ៍ទី១០ បេក្ខជនចំនួន ១៨ នាក់ ត្រូវបានបែងចែកជាពីរក្រុម ដើម្បីធ្វើនំអាកោត្នោត និងនំអន្សមត្នោត ក្នុងរយៈពេល ៩០នាទី។

សប្ដាហ៍នេះបានផ្ដោតលើភាពសម្បូរបែបនិងចម្រុះនៃបង្អែមខ្មែរ ដែលជាផ្នែកមួយនៃកិច្ចខិតខំប្រឹងប្រែងរបស់ក្រុមការងារ MasterChef Cambodia ដើម្បីជំរុញដល់ម្ហូបអាហារខ្មែរឱ្យពិភពលោកបានស្គាល់។ វិញ្ញាសានេះ ក៏បានគូសបញ្ជាក់ពីភាពស្វាហាប់របស់បេក្ខជន និងការអាចសម្របខ្លួនក្នុងការប្រកួតជាក្រុម។

កម្មវិធី MasterChef Cambodia រដូវកាលទី៤ ដែលឧបត្ថម្ភផ្ដាច់មុខដោយក្រុមហ៊ុន Khmer Beverages នឹងចាក់ផ្សាយនៅលើកញ្ចក់ទូរទស្សន៍ CTN ក្នុងពេលឆាប់ៗខាងមុខនេះ៕

អត្ថបទទាក់ទង