ផ្លឹស-ខេអេក ញូវ

ការបង្កើតទំនាក់ទំនងល្អ បានជួយអតីតបេក្ខជន សុធារិទ្ធ ចៀសពីការធ្លាក់ចេញពីកម្មវិធី MasterChef Cambodia រដូវកាលទី៣

MasterChef Cambodia
June 3rd, 2025 (1 year)
Views: 181
Share

នៅក្នុងកម្មវិធី MasterChef Cambodia រដូវកាលទី៣ ដែលត្រូវបានឧបត្ថម្ភផ្ដាច់មុខដោយក្រុមហ៊ុន Khmer Beverages បានបង្ហាញពីការជួយសង្គ្រោះដ៏សំខាន់របស់ ហ្សង់ និងលីនណា ដែលបានប្រាប់ទៅកាន់ សុធារិទ្ធ អំឡុងការប្រកួតវិញ្ញាសាសម្ពាធដ៏តានតឹង កាលពីសប្ដាហ៍ទី៨។

បន្ទាប់ពីការប្រកួតជាក្រុមដ៏លំបាក នៅ Grand Phnom Penh Golf Club សុធារិទ្ធ ដែលមិនត្រូវបាន SAVE ពីប្រធានក្រុម បានប្រឈមនឹងការប្រកួតជាមួយបេក្ខជន ៥រូបផ្សេងទៀត ក្នុងវិញ្ញាសាសម្ពាធ ដែលតម្រូវឱ្យចម្អិន Eggs Benedict ដែលជាម្ហូបដ៏ល្បីនៅបស្ចិមប្រទេស ក្នុងរយៈពេល ៣០ នាទី។ សុធារិទ្ធ ដែលមិនធ្លាប់ចម្អិន Eggs Benedict បានបង្កកំហុសមួយនៅក្នុងពេលធ្វើទឹក Sauce Hollandaise ដែលជាសំណាងល្អ បេក្ខជនដែលស្ថិតនៅកន្លែងសុវត្ថិភាពបានប្រាប់ទៅកាន់សុធារិទ្ធ ពិសេស ហ្សង់ ប្រាប់ឱ្យសុធារិទ្ធធ្វើទឹក Sauce ជាថ្មីម្ដងទៀត។

ជាការពិត ទឹក Sauce Hollandaise ដែលជាសមាសធាតុដ៏សំខាន់មួយរបស់មុខម្ហូបមួយនេះ បើធ្វើមិនល្អនឹងអាចត្រឡប់ទៅផ្ទះជាមិនខានឡើយ។ ដូច្នេះបើគ្មានការអន្តរាគមន៍ និងការណែនាំទាន់ពេលវេលាពីបេក្ខជនដទៃទេនោះ សុធារិទ្ធប្រហែលជាប្រឈមនឹងការចាកចេញពីកម្មវិធីក៏អាចថាបាន។

សម្រាប់ការជួយសង្គ្រោះរបស់ ហ្សង់ និងលីនណា បញ្ជាក់ពីសារសំខាន់នៃស្មារតីសហការគ្នាជួយគ្នាទៅវិញទៅមក ទោះស្ថិតនៅក្នុងការប្រកួតប្រជែងក៏ដោយ។

តើបេក្ខជន MasterChef Cambodia នារដូវកាលទី៤ខាងមុខនេះ នឹងមានទំនាក់ទំនងល្អនឹងគ្នាបែបណា? រង់ចាំតាមដានទាំងអស់គ្នា នៅលើកញ្ចក់ទូរទស្សន៍ CTN ក្នុងពេលឆាប់ៗខាងមុខនេះ៕

អត្ថបទទាក់ទង