ផ្លឹស-ខេអេក ញូវ

ឆាប់ៗនេះ ការប្រកួតចម្អិនម្ហូបដ៏ធំបំផុត លំដាប់ថ្នាក់ពិភពលោក MasterChef Cambodia ត្រៀមបើករដូវកាលទី៤

MasterChef Cambodia
June 2nd, 2025 (1 year)
Views: 280
Share

ពេលវេលាកាន់តែខិតជិតមកដល់ហើយ សម្រាប់ការវិលត្រឡប់មកវិញដ៏អស្ចារ្យរបស់កម្មវិធី MasterChef Cambodia ខណៈភាពរំជើបរំជួល កំពុងតែរីកសាយភាយពេញបណ្ដាញសង្គម។ បន្ទាប់ពីមានការបង្ហោះជាបន្តបន្ទាប់នូវវីដេអូខ្លីៗពីគណៈកម្មការ និងរូបភាពថ្មីៗដ៏ទាក់ភ្នែក ដែលត្រូវបានចែករំលែកនៅលើបណ្ដាញសង្គមផ្លូវការរបស់កម្មវិធី អ្នកគាំទ្របានបង្ហាញការទន្ទឹងរង់ចាំយ៉ាងអន្ទះសាកាន់តែខ្លាំង។

វត្តមានរបស់គណៈកម្មការ រួមជាមួយរូបភាពរស់រវើក និងទាក់ទាញ បានទទួលការបញ្ចេញមតិ និងការចែករំលែករាប់ពាន់ដង ដោយប្រិយមិត្តរបស់ MasterChef Cambodia ជាច្រើនបានសួរថា «តើកម្មវិធីចាប់ផ្តើមនៅពេលណា?»។

ទោះបីជាថ្ងៃចាក់ផ្សាយដំបូងពិតប្រាកដ មិនទាន់ត្រូវបានប្រកាសក៏ដោយ ក៏មានការជជែកគ្នាពីការវិលត្រឡប់ឆាប់ៗរបស់ផ្ទះបាយ MasterChef Cambodia ដែលបានត្រៀមរួចរាល់ សម្រាប់ការបង្ហាញនូវផ្ទាំងទស្សនីយភាពប្រកួតចម្អិនម្ហូបលំដាប់ថ្នាក់ពិភពលោក នារដូវកាលថ្មីមួយទៀត ដែលពោរពេញដោយការប្រកួតប្រជែងដ៏ក្ដៅគគុក និងការបំផុសគំនិតរបស់បេក្ខជននីមួយៗ។

MasterChef Cambodia រដូវកាលទី៤ បានត្រៀមរួចជាស្រេចដើម្បីលាតត្រដាងនូវចំណង់ចំណូលចិត្ត ការប្រកួតប្រជែង និងក្តីសុបិនផ្នែកធ្វើម្ហូបរបស់បេក្ខភាពដែលមានប្រភពពីតំបន់ផ្សេងៗគ្នា។

រង់ចាំតាមដានដំណឹងដ៏រំភើបថ្មីៗ នៅលើ Facebook ផ្លូវការរបស់ MasterChef Cambodia ៖ https://www.facebook.com/MasterChefCambodiaCTN ៕

អត្ថបទទាក់ទង