ផ្លឹស-ខេអេក ញូវ

ស្មារតី ខ្មែរជួយខ្មែរ ក្នុងស្ថានភាពដ៏លំបាករបស់បងប្អូនជនភៀសសឹក ត្រូវបានបង្ហាញពីអ្នកធ្លាប់និងកំពុងពាក់ព័ន្ធនឹងកម្មវិធីរបស់ CBS

សង្គម
August 8th, 2025 (9 months)
Views: 174
Share

ក្នុងពេលវេលាដ៏លំបាក ដែលបងប្អូនជនភៀសសឹកកំពុងត្រូវការជំនួយជាបន្ទាន់ ស្មារតី “ខ្មែរជួយខ្មែរ” បានបន្តបង្ហាញនូវភាពរួបរួមដ៏រឹងមាំ របស់ប្រជាជនខ្មែរពីគ្រប់មជ្ឈដ្ឋាន។

ក្នុងចំណែកមួយនៃស្មារតីនេះ អតីតតារាល្បីៗ និងបេក្ខជនប្រកួតប្រជែងក្នុងកម្មវិធីនានារបស់ CBS បានជួយចូលរួមចំណែកនៅក្នុងសកម្មភាពសប្បុរសធម៌ផ្សេងៗគ្នាដែលពួកគាត់បង្កើតឡើង ក្នុងគោលបំណងតែមួយគឺការប្រមូលជាសម្ភារប្រើប្រាស់ គ្រឿងឧបភោគបរិភោគ និងថ្នាំសង្កូវផ្សេងៗ ដើម្បីធ្វើជាអំណោយចែកជូនជនភៀសសឹករាប់ម៉ឺននាក់ ដែលកំពុងចាកឆ្ងាយពីផ្ទះសម្បែងរបស់ពួកគាត់។

សង្កេតឃើញថា អ្នកទាំងនោះរួមមានទាំងបេក្ខជនកម្មវិធី MasterChef របស់ក្រុមហ៊ុន CBS ដែលបង្កើតមូលនិធិផ្ទាល់ខ្លួន ឬកម្មវិធីចម្អិនអាហាររួមគ្នា ដើម្បីយកទៅចែកជូនបងៗកងទ័ពដ៏អង់អាចក្លាហាន និងជនភៀសសឹកដែលកំពុងតែជួបការលំបាក។ នៅមានតារាជាច្រើនទៀត ដែលបានចូលរួមនៅក្នុងស្មារតីខ្មែរជួយខ្មែរនេះផងដែរ។

ដោយឡែក នៅស្ថានីយទូរទស្សន៍ CTN នៃក្រុមហ៊ុន CBS ដែលជាបុត្រសម្ព័ន្ធរបស់ក្រុមហ៊ុន រ៉ូយ៉ាល់ គ្រុប ក៏បានបង្កើតជា មូលនិធិដើម្បីទ្រទ្រង់ជនភៀសសឹក និងកងទ័ព ដែលបាននាំយកនូវអំណោយផ្សេងៗជូនទៅកាន់ពួកគាត់ ហើយសកម្មភាពនេះនៅតែកំពុងបន្ត។ សកម្មភាពទាំងនេះ គឺជាការជំរុញការផ្សព្វផ្សាយ និងរួមចំណែកបង្កើនការយកចិត្តទុកដាក់ពី សំណាក់សាធារណជនចំពោះវីរកងទ័ពរបស់យើង និងជនភៀសសឹកដែលត្រូវការជំនួយជាបន្ទាន់។

អត្ថបទទាក់ទង