ផ្លឹស-ខេអេក ញូវ

សហការរីករាយ! កន្និកា ដឹកនាំក្រុមក្រហមឱ្យទទួលជ័យជម្នះក្នុងវគ្គប្រកួតនៅខាងក្រៅ នៅរោងចក្រស៊ីម៉ងត៍ របស់ក្រុមហ៊ុន ជីប ម៉ុង

MasterChef Cambodia
August 18th, 2025 (1 year)
Views: 300
Share

នៅសប្តាហ៍ទី៨ នៃកម្មវិធីប្រកួតធ្វើម្ហូបដ៏ល្បីលំដាប់ថ្នាក់ពិភពលោក MasterChef Cambodia រដូវកាលទី៤ បានក្លាយជាចំណុចរបត់ដ៏សំខាន់សម្រាប់កន្និកា ក្នុងដំណើរនៃការប្រកួតក្នុងផ្ទះបាយមួយនេះ។

ចាប់ពីសប្ដាហ៍ទី៣ ដល់សប្ដាហ៍ទី៦ ក្នុងផ្ទះបាយ MasterChef Cambodia កន្និកា មិនសូវត្រូវបានគេចាប់អារម្មណ៍ខ្លាំងនោះទេ។ ក្នុងសប្តាហ៍ទី៤ នាងបានរួចផុតពីការជម្រុះចេញ និងទទួលការជួយសង្គ្រោះដោយ បូរ៉ា ក្នុងសប្ដាហ៍ទី៣ ដែលបានផ្តល់ឱកាសឱ្យនាងបន្តអភិវឌ្ឍសមត្ថភាព។

ប៉ុន្តែទាល់តែដល់សប្តាហ៍ទី៧ ទើបកន្និកា បានបង្ហាញសមត្ថភាពដ៏លេចធ្លោ។ អាល់ម៉ុនការីកូនកាត់របស់នាង បានធ្វើឱ្យគណៈកម្មការកោតសរសើរ ហើយបានធ្វើឱ្យនាងទទួលបានតំណែងជាប្រធានក្រុមជាលើកដំបូង សម្រាប់ការប្រកួតជាក្រុមនៅរោងចក្រស៊ីម៉ងត៍ របស់ក្រុមហ៊ុន ជីប ម៉ុង នៅខេត្តកំពត។

ការដឹកនាំក្រុមមិនមែនជាកិច្ចការងាយស្រួលនោះទេ ដោយត្រូវចម្អិនសាច់គោអាំងចង្កាក់ខ្មែរ ជាមួយសមាជិកក្រុមដែលជ្រើសរើសដោយភ្ញៀវកិត្តិយសដ៏ពិសេស ពោលគឺអ្នកឧកញ៉ា លាង ពៅ (ភីធើរ) អគ្គនាយកនៃក្រុមហ៊ុន ជីបម៉ុង អ៊ិនស៊ី ស៊ីមេន។ ការសហការគ្នាដ៏ល្អ បានធ្វើឱ្យក្រុមរបស់កន្និកា ទទួលបានជ័យជម្នះលើក្រុមពណ៌ខៀវ ហើយក៏ជាការដឹកនាំលើកដំបូងរបស់នាង ដែលទទួលបានជ័យជម្នះផងដែរ។

ទស្សនាសប្ដាហ៍ទី៨ កម្មវិធី MasterChef Cambodia រដូវកាលទី៤ នៅខាងក្រោម៖

អត្ថបទទាក់ទង