ផ្លឹស-ខេអេក ញូវ

ជ័យជម្នះជាក្រុមលើកដំបូងបង្អស់បានរកឃើញ! ក្រុម Zero 1 ដណ្ដើមបានអាវកម្មវិធី «កម្លាំងគោជល់» ដើម្បីឈានទៅប្រកួតវគ្គបន្ទាប់

Red Bull
October 7th, 2025 (1 month)
Views: 185
Share

ក្នុងសប្ដាហ៍ទី៣ នៃកម្មវិធីដ៏ថ្មីសន្លាង «កម្លាំងគោជល់» ដែលឧបត្ថម្ភផ្ដាច់មុខដោយ Red Bull វិញ្ញាសា «ចន្ទគ្រាស» ក្រុមដែលមានឈ្មោះថា « Zero 1 » បានបង្ហាញឱ្យឃើញនូវការសហការជាក្រុម និងការទុកចិត្តគ្នាទៅវិញទៅមកបានយ៉ាងល្អ។

នៅក្នុងការប្រកួតដែលទាមទារនូវកម្លាំងកាយ និងស្មារតីដ៏តានតឹងនេះ ក្រុមនានា ត្រូវរក្សាលំនឹងនៅលើរូបរាងព្រះចន្ទ ដូចជារូបព្រះចន្ទពេញវង់ និងព្រះចន្ទមួយចំណិតដែលកាន់តែតូចទៅៗ បានបង្កការលំបាកពីមួយវិញ្ញាសាទៅមួយវិញ្ញាសា។

ដោយមានពេលត្រឹមតែ ៣០វិនាទីដល់១០វិនាទី ដើម្បីឡើងឈរលើដើម្បីរក្សាលំនឹងលើផ្ទៃនីមួយៗ ឱ្យបានរយៈពេលតាមការកំណត់របស់គណៈកម្មការ លោក ថៃ ចាន់ឡី និងកញ្ញា ពេជ្រ ចរណៃ, ជំហរឈរខុសតែមួយ អាចបញ្ចប់ដំណើររបស់ក្រុមទាំងមូលនៅក្នុងកម្មវិធីបាន។

ខណៈដែលក្រុមផ្សេងទៀតត្រូវបានបរាជ័យជាបន្តបន្ទាប់ សមាជិកទាំង ៤ នាក់របស់ក្រុម Zero 1 បានបង្ហាញនូវភាពតស៊ូមិនចុះចាញ់ និងការតាំងចិត្តខ្ពស់។ ពួកគេជួយទ្រទ្រង់គ្នាទៅវិញទៅមក ការពារជំហរគ្នាទៅវិញទៅមក។ ការប្រាស្រ័យទាក់ទងគ្នា ការផ្ចង់អារម្មណ៍ និងភាពស៊ីចង្វាក់គ្នា បានធ្វើឱ្យពួកគេអាចឈរបានយូរជាងក្រុមផ្សេងៗទាំងអស់ ហើយទទួលបានអាវ «កម្លាំងគោជល់» ដ៏គួរឱ្យចង់បានពីក្រុមហ៊ុន Red Bull។

ជ័យជម្នះរបស់ពួកគេមិនមែនដោយសារនរណាម្នាក់ខ្លាំងជាងគេនោះទេ ប៉ុន្តែវាកើតចេញពីការទុកចិត្តគ្នា ការកំណត់ពេលវេលា និងសាមគ្គីភាព។ ទស្សនាកម្មវិធី កម្លាំងគោជល់ សប្ដាហ៍ទី៣ នៅខាងក្រោម៖

អត្ថបទទាក់ទង