ផ្លឹស-ខេអេក ញូវ

លីថូ ត្រូវចាកចេញពីផ្ទះបាយ MasterChef Cambodia នៅក្នុងសប្ដាហ៍ទី ១៦

MasterChef Cambodia
October 13th, 2025 (1 year)
Views: 240
Share

ក្រោយប្រកួតជាច្រើនសប្តាហ៍ ការធ្វើការជាក្រុម និងការពុះពាររាល់ឧបសគ្គក្នុងផ្ទះបាយមួយនេះ ដំណើររបស់ បេក្ខជន វ៉ន លីថូ នៅក្នុងកម្មវិធីប្រកួតធ្វើម្ហូបដ៏ល្បីលំដាប់ថ្នាក់ពិភពលោក MasterChef Cambodia រដូវកាលទី ៤ បានឈានមកដល់ទីបញ្ចប់នៅក្នុងភាគទី ១៦។

ក្រោយការដឹកនាំក្រុម ឱ្យទទួលបានជ័យជម្នះក្នុងវិញ្ញាសាប្រកួតលើទឹក កាលពីសប្ដាហ៍ទី១៤ កន្លងទៅ លីថូ បានឈានចូលមកដល់វគ្គនេះដោយក្តីសង្ឃឹម ប៉ុន្តែការប្រកួតប្រជែងដើរផ្សារទិញម្ហូប ធ្វើឱ្យ លីថូ ត្រូវជម្រុះចេញពីកម្មវិធី។

គណៈកម្មការបានកត់សម្គាល់ពីបញ្ហានៃការគ្រប់គ្រងពេលវេលា និងការរៀបចំម្ហូប ដែលជាចំណុចសំខាន់ពីរដែលអាចកំណត់ជោគវាសនារបស់ម្ហូបមួយនៅក្នុងដំណាក់កាលនេះ។ វាគឺជាការចាកចេញដ៏គួរឱ្យសោកស្តាយសម្រាប់បេក្ខជនម្នាក់ដែលធ្លាប់បានបង្ហាញទាំងសមត្ថភាពដឹកនាំ និងភាពនឹងនរក្រោមសម្ពាធនៅក្នុងការប្រកួតជាក្រុមលើកមុនៗ។

ទោះបីជាមានការខកចិត្តយ៉ាងណាក៏ដោយ លីថូ បានចាកចេញពីផ្ទះបាយ MasterChef ទាំងមានមោទនភាព និងត្រូវបានគេចងចាំថាជាមនុស្សដែលនឹងនរ មានភាពវិជ្ជមាន និងមានការរួមចំណែកគួរឱ្យចងចាំជាច្រើននៅក្នុងកម្មវិធី។

ទស្សនាកម្មវិធី MasterChef Cambodia រដូវកាលទី៤ សប្ដាហ៍ទី១៦ នៅខាងក្រោម៖

អត្ថបទទាក់ទង