ផ្លឹស-ខេអេក ញូវ

ដេវីត និង រីហ្វីន ទទួលបានជ័យជម្នះបានសិទ្ធិវិលត្រឡប់មកក្នុងកម្មវិធីកម្លាំងគោជល់ សប្តាហ៍ទី ១០

Red Bull
December 3rd, 2025 (11 months)
Views: 421
Share

កម្មវិធី កម្លាំងគោជល់ – Red Bull Power ក្នុងសប្តាហ៍ទី ១០ នេះ បាននាំមកនូវការវិលត្រឡប់របស់បេក្ខជនដែលត្រូវបានជម្រុះ ខណៈដែលបេក្ខជនពីររូប គឺ ដេវីត និង រីហ្វីន បានជម្នះនូវសម្ពាធ និងការប្រកួតប្រជែងដ៏តឹងរ៉ឹង ដើម្បីដណ្ដើមយកសិទ្ធិរបស់ពួកគេត្រឡប់មកវិញក្នុងចំណោមអ្នកខ្លាំង។

វគ្គនេះ ត្រូវបានរៀបចំឡើងដើម្បីតេស្តមិនត្រឹមតែកម្លាំងកាយប៉ុណ្ណោះទេ ថែមទាំងសាកល្បងឆន្ទៈក្នុងការប្រយុទ្ធសាជាថ្មីផងដែរ។ ហើយនៅក្នុងវិញ្ញាសាកាត់សេចក្តីចុងក្រោយដ៏សំខាន់បំផុត គឺការទាញព្រ័ត្របួនទិស ទាំង ដេវីត និង រីហ្វីន បានក្លាយជាបេក្ខជនដែលមានសិទ្ធិត្រឡប់មកវិញ។

ដេវីត បានដណ្ដើមជ័យជម្នះនៅជុំទីមួយ ជាមួយនឹងការទាញដ៏ខ្លាំងក្លា និងប្រកបដោយការគណនាច្បាស់លាស់។ បន្ទាប់មកគឺ រីហ្វីន ដែលជ័យជម្នះរបស់គាត់នៅជុំទីពីរ ជាមួយនឹងការផ្តោតអារម្មណ៍មិនរាថយ។ អ្នកទាំងពីរ បានបង្ហាញពីទំនុកចិត្ត និងមានវិន័យម៉ឺងម៉ាត់។

សមិទ្ធផលរបស់បេក្ខជនទាំងពីរ បានធ្វើឱ្យសប្ដាហ៍ទី១០ ក្លាយជាការអបអរសាទរដល់ភាពមិនចុះចាញ់របស់បេក្ខជនដែលធ្លាប់តែដើរចុះពីឆាក ឥឡូវនេះបានត្រឡប់មកវិញ។

សូមអបអរសាទរដល់ ដេវីត និង រីហ្វីន ដែលជានិមិត្តរូបនៃការតស៊ូដ៏ភ្លឺស្វាងក្នុងកម្មវិធីកម្លាំងគោជល់ -Red Bull Power !

ទស្សនាសប្ដាហ៍ទី១០ កម្មវិធីកម្លាំងគោជល់ – Red Bull Power នៅខាងក្រោម៖

អត្ថបទទាក់ទង