ផ្លឹស-ខេអេក ញូវ

ម៉ីលីង និង នីហឫទ័យ នឹងក្លាយជា Team Leader ក្នុងការប្រកួតជាក្រុមលើកដំបូង ក្នុងកម្មវិធី Junior MasterChef Cambodia

MasterChef Cambodia
August 6th, 2026 (2 hours)
Views: 20
Share

បន្ទាប់ពី ចាន់ឫទ្ធី និង ច័ន្ទវីរៈ ទទួលបានសុវត្ថិភាពពីការប្រកួតជម្រុះ បេក្ខជន Chef តូចៗ ដែលនៅសល់ទាំង ១៦រូប ត្រូវប្រឈមមុខនឹងការប្រកួតដ៏ស្វិតស្វាញមួយទៀត។ លើកនេះ ពួកគេមិនត្រឹមតែត្រូវប្រឹងប្រែងដើម្បីបន្តដំណើរនៅក្នុងកម្មវិធីប៉ុណ្ណោះទេ ប៉ុន្តែថែមទាំងមានឱកាសដ៏សំខាន់ក្នុងការក្លាយជា ប្រធានក្រុម សម្រាប់វិញ្ញាសាប្រកួតជាក្រុមលើកដំបូងនៅសប្ដាហ៍ក្រោយផងដែរ។

បន្ទាប់ពីការប្រកួតយ៉ាងស្វិតស្វាញ គណៈកម្មការបានជ្រើសរើសមុខម្ហូបលេចធ្លោជាងគេចំនួនពីរ។ កុមារី អានីចេ ម៉ីលីង បានធ្វើឱ្យគណៈកម្មការចាប់អារម្មណ៍ជាមួយមុខម្ហូប ប្រហិតសាច់ជ្រូក ខណៈកុមារី វណ្ណៈ នីហឫទ័យ បង្ហាញសមត្ថភាពដ៏ល្អឥតខ្ចោះជាមួយមុខម្ហូប ស្តេកឆ្អឹងជំនីចៀម។ ស្នាដៃរបស់ពួកគេទាំងពីរត្រូវបានវាយតម្លៃថាល្អជាងគេក្នុងវិញ្ញាសានេះ ដោយទទួលបានកិត្តិយសក្លាយជា ប្រធានក្រុម សម្រាប់សប្ដាហ៍ទី៥។

ការក្លាយជាប្រធានក្រុម មិនមែនអាស្រ័យតែលើសមត្ថភាពចម្អិនម្ហូបប៉ុណ្ណោះទេ ប៉ុន្តែត្រូវមានភាពជាអ្នកដឹកនាំ ការសហការជាមួយសមាជិកក្រុម និងសមត្ថភាពធ្វើការសម្រេចចិត្តក្រោមសម្ពាធផងដែរ។ តើ ម៉ីលីង និង ហឫទ័យ នឹងដឹកនាំក្រុមរបស់ខ្លួនទៅរកជ័យជម្នះបានដែរឬទេ? សូមកុំខកខានតាមដាន Junior MasterChef Cambodia Season 1 និងព័ត៌មានថ្មីៗ រូបភាព និងវីដេអូផ្តាច់មុខនៅលើ Facebook Page ដូចខាងក្រោម៖

Facebook Page CTN: https://www.facebook.com/ctntvcambodia
Facebook Page MasterChef Cambodia: https://www.facebook.com/MasterChefCambodiaCTN
Facebook Page Cambodia Water: https://www.facebook.com/CambodiaWaterOfficial
Facebook Page Chip Mong Bank: https://www.facebook.com/chipmongbank

កម្មវិធីនេះ ផលិតដោយ CTN ដោយមាន Cambodia Water និង Chip Mong Bank ជាអ្នកឧបត្ថម្ភធំ ដែលរួមចំណែកលើកទឹកចិត្ត និងគាំទ្រការអភិវឌ្ឍសក្តានុពលរបស់កុមារកម្ពុជា ដើម្បីបន្តក្តីស្រមៃរបស់ Little Chef ជំនាន់ថ្មី។

អត្ថបទទាក់ទង