ផ្លឹស-ខេអេក ញូវ

ប្រអប់អាថ៌កំបាំងត្រឡប់មកវិញ Chef តូចៗ ប្រឈមមុខនឹងគ្រឿងផ្សំប្រពៃណីខ្មែរ

MasterChef Cambodia
September 7th, 2026 (3 hours)
Views: 50
Share

បន្ទាប់ពីការប្រកួត Team Challenge ដ៏ស្វិតស្វាញ និងការប្រកួតវិញ្ញាសាសម្ពាធ ក្នុងវគ្គទី៨ Chef តូចៗដែលនៅសល់បានត្រឡប់ចូលមកក្នុងផ្ទះបាយ Junior MasterChef Cambodia វិញ ដោយមានគោលដៅសំខាន់មួយ គឺការប្រជែងដើម្បីរក្សាកៅអីរបស់ខ្លួនក្នុងចំណោម Top 10។

ដើម្បីចាប់ផ្តើមការប្រកួត បេក្ខជនតូចៗត្រូវប្រឈមមុខនឹង ប្រអប់អាថ៌កំបាំងម្តងទៀត ប៉ុន្តែលើកនេះ គ្រឿងផ្សំដ៏គួរឱ្យភ្ញាក់ផ្អើលគឺ ជ្រុន ដែលជាឧបករណ៍ចម្អិនប្រពៃណីខ្មែរ និងតម្រូវឱ្យ Chef តូចៗប្រើភាពច្នៃប្រឌិត និងបច្ចេកទេស ដើម្បីប្រែក្លាយទៅជាមុខម្ហូបដ៏គួរឱ្យចាប់អារម្មណ៍។

អ្វីដែលធ្វើឱ្យការប្រកួតកាន់តែពិសេស គឺមានការអញ្ជើញចុងភៅមកពី ភោជនីយដ្ឋាន លម្អង ខេត្តសៀមរាប នាំយកគ្រឿងផ្សំចូលមកក្នុងផ្ទះបាយ និងណែនាំបេក្ខជនតូចៗអំពីមុខម្ហូបមួយដែលមានការបំផុសគំនិតពីអត្តសញ្ញាណម្ហូបខ្មែរ គឺ ត្រីដុតអំបិល។

ជាមួយនឹងពេលវេលាដែលមានកំណត់ និងគ្រឿងផ្សំសំខាន់មួយដែលត្រូវយកឈ្នះ Chef តូចៗម្នាក់ៗត្រូវស្វែងរកតុល្យភាពរវាង ភាពច្នៃប្រឌិត បច្ចេកទេស និងរសជាតិ។ បន្ទាប់ពីឆ្លងកាត់ការប្រកួតដ៏តានតឹងជាច្រើនវគ្គ មុខម្ហូបនីមួយៗកាន់តែមានសារៈសំខាន់ ខណៈការប្រកួតកំពុងឈានកាន់តែខិតជិតទៅកាន់ Top 10។

ប៉ុន្តែ តើ Chef តូចមួយណា អាចប្រែក្លាយគ្រឿងផ្សំប្រពៃណីមួយនេះ ឱ្យក្លាយជាមុខម្ហូបដ៏អស្ចារ្យបាន?
កុំភ្លេចតាមដាន Junior MasterChef Cambodia Season 1 នៅលើ Facebook Page ដូចខាងក្រោម ដើម្បីទទួលបានរូបភាព វីដេអូ និងទិដ្ឋភាពពិសេសៗជាច្រើនទៀត។

Facebook Page CTN: https://www.facebook.com/ctntvcambodia
Facebook Page MasterChef Cambodia: https://www.facebook.com/MasterChefCambodiaCTN
Facebook Page Cambodia Water: https://www.facebook.com/CambodiaWaterOfficial
Facebook Page Chip Mong Bank: https://www.facebook.com/chipmongbank

កម្មវិធីនេះ ផលិតដោយ CTN ដោយមាន Cambodia Water និង Chip Mong Bank ជាអ្នកឧបត្ថម្ភធំ ដែលរួមចំណែកលើកទឹកចិត្ត និងគាំទ្រការអភិវឌ្ឍសក្តានុពលរបស់កុមារកម្ពុជា ដើម្បីបន្តក្តីស្រមៃរបស់ Little Chef ជំនាន់ថ្មី៕

អត្ថបទទាក់ទង