ព័ត៌មានថ្មី
- ចាញ់ធ្លាក់! សម្ពាធក្នុងការប្រកួតប្រជែង និងភាពជាអ្នកដឹកនាំ នៅក្នុងសប្ដាហ៍ទី១៦ នៃកម្មវិធី MasterChef Cambodia ថ្ងៃអាទិត្យខាងមុខនេះ
- ឧត្តុង នៅតែនឹករលឹកពេលវេលាប្រកួតក្នុងផ្ទះបាយ MasterChef Cambodia
- សុភ័ក្ត កុសុម៉ា បានត្រឹមឆ្លើយតបទៅអ្នកគាំទ្របែបនេះក្រោយមានអ្នកសុំឱ្យនាងត្រលប់ទៅស្រលាញ់គ្នា Private វិញ
- WOW! បេក្ខជន MasterChef បញ្ញា ក្រៅពីពូកែចម្អិនម្ហូបហើយ ធ្លាប់ឈ្នះមេដាយមាសជូនកម្ពុជា ក្នុងព្រឹត្តិការណ៍ពិភពលោកមួយថែមទៀត
- អតីតបេក្ខជន MasterChef Cambodia រដូវកាលទី៣ម្នាក់នេះកំពុងចាប់ផ្ដើមមាតិកាម្ហូបខ្មែរ ក្រោយចាកចេញពីកម្មវិធី
អេស្ប៉ាញជួយសង្គ្រោះជនចំណាកស្រុក៥៥នាក់ដែលជាប់នៅសមុទ្រជាច្រើនថ្ងៃ
- សង្គម
- May 17th, 2021 (3 years)
ម៉ាឌ្រីដ៖ កាលពីថ្ងៃអាទិត្យ ជនចំណាកស្រុកមួយក្រុមមានចំនួន៥៥នាក់ត្រូវបានគេជួយសង្គ្រោះបន្ទាប់ពីធ្វើដំណើរតាមទូកតូចមួយស្ថិតនៅចម្ងាយប្រហែល៦៥គីឡូម៉ែត្រពីភាគខាងត្បូងកោះ ហ្គ្រេនកាណារៀ (Gran Canaria) ក្នុងប្រទេសអេស្ប៉ាញ។
ជនចំណាកស្រុកទាំងនោះដែលបានបាត់ខ្លួនអស់រយៈពេលជាច្រើនថ្ងៃនៅក្នុងមហាសមុទ្រអាត្លង់ទិចត្រូវបានឆ្មាំសមុទ្រអេស្ប៉ាញនាំយកទៅកំពង់ផែមួយកន្លែងនៅភាគនិរតីនៃកោះ ហ្គ្រេនកាណារៀ (Gran Canaria) ។
យោងតាមប្រព័ន្ធផ្សព្វផ្សាយក្នុងតំបន់ នៅលើទូកតូចនោះរួមមានបុរសចំនួន៥៤នាក់និងស្ត្រីម្នាក់ ហើយត្រូវបានប្រទះឃើញដោយយន្តហោះរបស់ឆ្មាំសមុទ្រ។
បុគ្គលិកសេវាសង្គ្រោះបន្ទាន់របស់អេស្ប៉ាញបានអនុវត្តតាមវិធានការប្រឆាំងជំងឺកូវីដ១៩ដោយចែកម៉ាសនិងវាស់កម្តៅពួកគេមុនពេលអនុញ្ញាតឲ្យឡើងលើគោក។
ចំនួនជនចំណាកស្រុកខុសច្បាប់ដែលបានធ្វើដំណើរមកដល់ប្រជុំកោះកាណារី (Canary) បានកើនឡើង១៣៤%បើធៀបទៅនឹងរយៈពេលដូចគ្នាកាលពីឆ្នាំ២០២០ដោយផលប៉ះពាល់នៃវិបត្តិកូវីដ១៩ទៅលើវិស័យទេសចរណ៍និងឧស្សាហកម្មផ្សេងទៀតនៅក្នុងតំបន់អាហ្វ្រិកខាងជើងនិងអនុតំបន់សាហារ៉ានៃទ្វីបអាហ្វ្រិកបានបង្ខំឲ្យជនចំណាកស្រុកជាច្រើនថែមទៀតបន្តការធ្វើដំណើរដ៏គ្រោះថ្នាក់នេះ។
ទិន្នន័យរបស់ក្រសួងមហាផ្ទៃអេស្ប៉ាញបានបង្ហាញថា ជនចំណាកស្រុកចំនួន៤,៤១១នាក់បានធ្វើដំណើរតាមផ្លូវសមុទ្រមកដល់ប្រជុំកោះ កាណារី (Canary) គិតត្រឹមថ្ងៃទី៣០ ខែមេសា៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
