ផ្លឹស-ខេអេក ញូវ

ចុះច្រើនជាងមុន! តម្លៃប្រេងសាំងធម្មតា ធ្លាក់ចុះ១០០រៀល ក្នុង១លីត្រ

សង្គម
September 1st, 2021 (5 years)
Views: 434
Share

ភ្នំពេញ៖ ក្រសួងពាណិជ្ជកម្មនៃកម្ពុជា នៅថ្ងៃទី១ ខែកញ្ញានេះ បានជូនដំណឹងស្តីពីថ្លៃលក់រាយ សម្រាប់ប្រេងឥន្ធនៈតាមស្ថានីយនានាទូទាំងប្រទេសកម្ពុជា ក្នុងនោះ តម្លៃប្រេងសាំងធម្មតា ធ្លាក់ចុះ១០០រៀល និងប្រេងម៉ាសូត ធ្លាក់ចុះ ៥០រៀល ក្នុងមួយលីត្រ។

យោងតាមសេចក្តីជូនដំណឹង ចាប់ពីថ្ងៃទី១ ដល់ទី១៥ ខែកញ្ញា គឺតម្លៃប្រេងសាំងធម្មតា នឹងត្រូវលក់តម្លៃ ៣៩០០រៀលក្នុងមួយលីត្រ ធ្លាក់ចុះ ១០០រៀល បើធៀបកាលពីចុងខែសីហា ខណៈតម្លៃប្រេងម៉ាស៊ូត គឺត្រូវលក់តម្លៃ ៣៥០០រៀល ធ្លាក់ចុះ ៥០រៀល បើធៀបកាលពីចុងខែសីហាកន្លងទៅ។

សូមជម្រាបថា កាលពីពាក់កណ្ដាលខែសីហា តម្លៃសាំង និងម៉ាស៊ូត បានចុះ ៥០ រៀលដូចគ្នា បើធៀបនឹងដើមខែ។

ក្រសួងពាណិជ្ជកម្ម ក៏បានបញ្ជាក់ផងដែរថា ក្រសួងមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ គឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិមកគណនាតាមប្រកាសដូចមានក្នុងឯកសារយោងតែប៉ុណ្ណោះ៕

#អត្ថបទទាក់ទង
#featured

អត្ថបទទាក់ទង