ព័ត៌មានថ្មី
- លោកជំទាវអ្នកឧកញ៉ា ម៉ៅ ចំណាន គិតម៉េង ចូលរួមខួបអនុស្សាវរីយ៍នៃទំនាក់ទំនងការទូតសហរដ្ឋអាមេរិក-កម្ពុជា លើកទី៧៥ នៅសារមន្ទីរជាតិ
- ក្រុមការងារសមាគមសិល្បករខ្មែរចុះសួរសុខទុក្ខតារាកំប្លែងនាយ ផ្លក់ចយ នៅមន្ទីរពេទ្យ
- «ថ្ងៃសែនដកជើងធូប» គ្រូចិនសែ ប្រាប់អំពីរបៀបរៀបចំគ្រឿងរណ្តាប់សែន យកង៉ូវហេងពេញមួយឆ្នាំ
- «សមរភូមិសំណើច»សប្ដាហ៍ទី៨៖ ល្បិចថ្មីពីកំពូលចុងភៅទាំងពីរ មិនត្រឹមតែមិនផ្ដល់ម្ហូបគ្រប់គ្រាន់ដល់កីឡាករទេ ថែមទាំងប្រើវិធីសាស្ត្រខូចឱ្យគេទិញម្ហូបទៀត
- យុវជនមួយរូបត្រូវចាប់ខ្លួនករណីបង្ហោះសារគម្រាមខ្សែប្រយុទ្ធ Kai Havertz
កម្ពុជា បន្តរកឃើញករណីកូវីដ១៩ប្រភេទ Delta ចំនួន ៤០៨ករណីបន្ថែមទៀត
- សង្គម
- September 10th, 2021 (3 years)
ភ្នំពេញ៖ ក្រសួងសុខាភិបាល បានចេញសេចក្ដីជូនព័ត៌មានថា កាលពីថ្ងៃទី៨ និងថ្ងៃទី៩ ខែកញ្ញា ឆ្នាំ២០២១ កម្ពុជា បន្តរកឃើញករណីអ្នកជំងឺកូវីដ១៩ ប្រភេទបំប្លែងថ្មី Delta ចំនួន ៤០៨ ករណីបន្ថែមទៀត។
លទ្ធផលនៃការធ្វើវិភាគដោយវិទ្យាស្ថានប៉ាស្ទ័រកម្ពុជា តាំងពីថ្ងៃទី៣១ ខែមីនា ឆ្នាំ២០២១ និងវិទ្យាស្ថានស្រាវជ្រាវសុខភាពសាធារណៈ រហូតដល់ថ្ងៃទី៩ ខែកញ្ញានេះ បានរកឃើញករណីឆ្លងវីរុសកូវីដ១៩ បំប្លែងថ្មីប្រភេទ Delta នៅកម្ពុជា មានសរុបចំនួន ៣៧៣១ នាក់ (ស្ត្រី ១៩០៤នាក់) ហើយបានប៉ះពាល់ដល់២៤រាជធានី ខេត្ត លើកលែងតែខេត្ត១ប៉ុណ្ណោះ គឺខេត្តកែប នៅមិនទាន់រកឃើញករណី Delta នៅឡើយ។
លទ្ធផលបង្ហាញថា វីរុស Delta បាននិងកំពុងបន្តរាតត្បាតវាយលុកចូលក្នុងសហគមន៍របស់យើង ជាពិសេស រាជធានីភ្នំពេញ ខេត្តបន្ទាយមានជ័យ ឧត្តរមានជ័យ សៀមរាប ស្ទឹងត្រែង កណ្ដាល ព្រះវិហារ ត្បូងឃ្មុំ បាត់ដំបង កំពង់ធំ កំពង់ចាម ស្វាយរៀង មណ្ឌលគិរី ព្រះសីហនុ ពោធិ៍សាត់ និងបណ្ដាខេត្តមួយចំនួនទៀត៕
អត្ថបទទាក់ទង
MasterChef Cambodia
