ផ្លឹស-ខេអេក ញូវ

តោះទៅលេង បុណ្យខ្លែងបន្ទាយស្រី នៅភូមិលំហែសសី នាថ្ងៃទី១៩ខែធ្នូ

សង្គម
December 13th, 2021 (3 years)
Views: 468
Share

សៀមរាប៖ នៅថ្ងៃទី១៩ ខែធ្នូ ឆ្នាំ២០២១ ខាងមុខនេះ ចាប់ផ្តើមពីម៉ោង២រសៀលតទៅ រដ្ឋបាលស្រុកបន្ទាយស្រី នឹងសហការជាមួយសហគមន៍ភូមិសសី រៀបចំព្រឹត្តិការណ៍ទេសចរណ៍វប្បធម៌ថ្មីមួយ នៅលើទឹកដីភូមិសសី ឃុំត្បែង ដើម្បីឱ្យអ្នកទេសចរបានស្គាល់ពីប្រពៃណីបង្ហោះខ្លែង ក៏ដូចជាបង្អួតបង្ហាញពីទេសភាពធម្មជាតិដ៏ស្រស់ត្រកាលនៃជើងភ្នំគូលែន និងទាក់ទាញភ្ញៀវទេសចរឱ្យមកស្គាល់ភូមិទេសចរណ៍ដែលទើបតែមានការអភិវឌ្ឍថ្មីៗមួយនេះ។

ទីតាំងប្រារព្ធពិធីនេះ ស្ថិតនៅក្នុងរមណីយដ្ឋានឯកជនដ៏ស្រស់ស្អាតមួយឈ្មោះ ”ភូមិលំហែ សសី Sarsei Relaxing Village“ ដែលម្ចាស់ទីតាំងបានស្ម័គ្រចិត្តចូលរួមជាមួយរដ្ឋបាលស្រុក ផ្តល់ជូនទីកន្លែងដោយមិនគិតថ្លៃ ហេតុដូច្នេះសូមមេត្តាគោរពលក្ខខណ្ឌបរិស្ថានមួយនេះឱ្យបាន និងបង្កើតទម្លាប់ថ្មីមួយនៃការគោរពដល់រាល់ទីកន្លែងដែលយើងបានទៅដល់ និងលេងកម្សាន្តតាមរយៈការមិនបន្សល់សំរាម៖ “សំរាមខ្ញុំ ខ្ញុំទទួលខុសត្រូវ ខ្ញុំយកទៅវិញ!”។
ក្រុមការងារនឹងមានរៀបចំស្តង់លក់ខ្លែងតូចៗ សម្រាប់ផ្តល់ឱកាសឱ្យមានការបង្ហោះខ្លែងកម្សាន្តសប្បាយជាលក្ខណៈគ្រួសារផងដែរ។ កម្មវិធីនេះនឹងមានបន្ថែមកម្មវិធីតូចៗទៀតដូចជា រាំវង់តន្ត្រីស្គរដៃ ស្តង់លក់អាហារសម្រន់ និងបញ្ចប់ដោយកម្មវិធីមើលព្រះច័ន្ទពេញវង់រះរំលងភ្នំគូលែនត្រឹមម៉ោង៨យប់។

ក្រុមការងារនឹងមានរៀបចំកន្លែងជូន ដូច្នេះប្រជាពលរដ្ឋ កុំភ្លេចដាក់កន្ទេល និងខ្ចប់ម្ហូបអាហារយកមកពិកនិកជាលក្ខណៈគ្រួសារផង តែមានលក្ខខណ្ឌបរិស្ថានមួយគឺ រាល់សំរាមទាំងអស់ត្រូវតែខ្ចប់យកទៅវិញរៀងៗខ្លួន ហាមដាច់ខាតមិនឱ្យបន្សល់កាកសំណល់ប្លាស្ទិក ឬម្ហូបអាហារនៅក្នុងទីតាំងនេះឡើយ៕

អត្ថបទទាក់ទង

តោះទៅលេង បុណ្យខ្លែង​បន្ទាយស្រី នៅ​ភូមិលំហែសសី នា​ថ្ងៃទី១៩​ខែធ្នូ

តោះទៅលេង បុណ្យខ្លែងបន្ទាយស្រី នៅភូមិលំហែសសី នាថ្ងៃទី១៩ខែធ្នូ