ផ្លឹស-ខេអេក ញូវ

អាជ្ញាធរថៃ បញ្ជាក់ថា មានជំងឺប៉េស្តជ្រូកអាហ្រ្វិកនៅក្នុងប្រទេស

សង្គម
January 12th, 2022 (4 years)
Views: 318
Share

បាងកក៖ អាជ្ញាធរបសុសត្វ កាលពីថ្ងៃទី១១ ខែមករា ឆ្នាំ២០២២ បានបញ្ជាក់ពីការរកឃើញជំងឺប៉េស្តជ្រូកអាហ្វ្រិក ជាលើកដំបូង នៅក្នុងប្រទេសថៃ។

នាយកដ្ឋានអភិវឌ្ឍន៍បសុសត្វថៃ បាននិយាយថា មេរោគនេះ ត្រូវបានរកឃើញនៅក្នុងសំណាក ដែលប្រមូលបាននៅឯកន្លែងសត្តឃាតមួយកន្លែង ក្នុងខេត្តនគរភ្នំ (Nakhon Pathom)។ មន្ត្រី កំពុងធ្វើការស៊ើបអង្កេតដើម្បីតាមដានប្រភពនៃជំងឺនេះ។ តំបន់ផ្ទុះមេរោគក្នុងរង្វង់ ៥គីឡូម៉ែត្រនៃកន្លែងសត្តឃាតនោះ នឹងត្រូវផ្អាកការចល័តរបស់សត្វ ឬផលិតផលធ្វើពីសត្វជ្រូក។

ការរកឃើញនេះ គឺជាការបញ្ជាក់ជាផ្លូវការលើកដំបូងរបស់ប្រទេសថៃ អំពីការរកឃើញជំងឺប៉េស្តជ្រូកអាហ្វ្រិក ដែលបានរីករាលដាលពាសពេញតំបន់អឺរ៉ុប និងអាស៊ីក្នុងប៉ុន្មានឆ្នាំថ្មីៗនេះ និងបានបំផ្លិចបំផ្លាញឧស្សាហកម្មជ្រូក នៅក្នុងប្រទេសដែលរងផលប៉ះពាល់។

អាជ្ញាធរថៃ ធ្លាប់បានបដិសេធថា មិនមានការផ្ទុះឡើងនៃជំងឺប៉េស្តជ្រូកអាហ្វ្រិកទេ ហើយថា ការស្លាប់របស់ជ្រូកភាគច្រើន ជាជំងឺស្រដៀងគ្នាមួយផ្សេងទៀត រោគសញ្ញា Porcine reproductive and respiratory syndrome (PRRS) ។

ថ្មីៗនេះ តម្លៃសាច់ជ្រូក មានការកើនឡើង ដែលកសិករចិញ្ចឹមជ្រូក បាននិយាយថាបណ្តាលមកពីការផ្ទុះឡើងនៃជំងឺ៕

អត្ថបទទាក់ទង

អាជ្ញាធរថៃ បញ្ជាក់ថា មាន​ជំងឺប៉េស្តជ្រូក​អាហ្រ្វិក​នៅក្នុង​ប្រទេស

អាជ្ញាធរថៃ បញ្ជាក់ថា មានជំងឺប៉េស្តជ្រូកអាហ្រ្វិកនៅក្នុងប្រទេស