ផ្លឹស-ខេអេក ញូវ

អ្នកណាដែលថាមិនទទួលស្គាល់សមត្ថភាពសម្តែង Wayne Lai តែចុងក្រោយកុំថាឡើយពានរង្វាន់ សូម្បីការអញ្ជើញឱ្យចូលរួមក្នុងកម្មវិធីប្រគល់ពានរង្វាន់ក៏គ្មានផង

កម្សាន្ត
January 15th, 2022 (3 years)
Views: 698
Share

ហុងកុង៖ អ្នកដែលបានទស្សនារឿង ដំណើរឆ្ពោះទៅភាគខាងលិច ប្រាកដជាបានស្គាល់តារាសម្តែង Wayne Lai សម្តែងជាតួអង្គជ្រូកប៉ាជេ ហើយដែលសមត្ថភាពសម្តែងរបស់តារាប្រុសរូបនេះអាចសម្តែងបានគ្រប់ទម្រង់ និងមានការទទួលស្គាល់ពីអ្នកគាំទ្រជាច្រើនផងដែរ។

រីឯភាពយន្តថ្មីដែលលោកបានសម្តែងនោះគឺរឿង The Ringmaster ជាមួយតារាសម្តែង Owen Cheung ដែលជាប្រភេទរឿងវាយបុក ទើបតម្រូវឱ្យលោកត្រូវសម្រកគីឡូដើម្បីឱ្យសាកសមជាមួយសាច់រឿង។

សមិទ្ធផលការងារជាហូរហែតាំងពីប្រលូកក្នុងវិស័យសិល្បៈ ប៉ុន្តែនៅឆ្នាំចុងក្រោយនៃកម្មវិធី TVB Anniversary Awards ២០២១ កុំថាឡើយពានរង្វាន់ សូម្បីការអញ្ជើញតារារូបនេះឱ្យចូលរួមក៏មិនមានផង នេះបើយោងតាមការឱ្យដឹងពី Wayne Lai។

គួរបញ្ជាក់ដែរថា កន្លងមកមានព័ត៌មានចុះផ្សាយទាក់ទងនឹងសិល្បករជាច្រើនមិនពេញចិត្តនឹង TVB ឡើយដោយភាគច្រើនពួកគេបានអះអាងថា ផលិតកម្មមួយនេះបានគេងចំណេញលើកម្លាំងញើសឈាមពីសិល្បករជាច្រើន ទោះបីជាពួកគេជ្រកក្រោមផលិតកម្មអស់រាប់ឆ្នាំក៏ដោយ៕

អត្ថបទទាក់ទង