ផ្លឹស-ខេអេក ញូវ

គម្រោងបង្កើតរោងចក្រផលិតវ៉ាក់សាំងកូវីដ១៩នៅកម្ពុជា ត្រូវបានជំរុញដោយរដ្ឋាភិបាលចិន

សង្គម
January 29th, 2022 (3 years)
Views: 196
Share

ភ្នំពេញ៖ រដ្ឋាភិបាលចិន កំពុងតែជំរុញការបង្កើតរោងចក្រផលិតវ៉ាក់សាំងបង្ការកូវីដ១៩ នៅក្នុងប្រទេសកម្ពុជា។ នេះបើតាមការលើកឡើងរបស់ លោក Wang Wentian ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំនៅកម្ពុជា។

លោកឯកអគ្គរដ្ឋទូត បានថ្លែងបែបនេះ ក្នុងឱកាសប្រគល់ឱសថព្យាបាលជំងឺកូវីដ១៩ ចំនួន ២៣១កេស ទម្ងន់ ១១២៥គីឡូក្រាម ជូនឧបនាយករដ្ឋមន្រ្តី ហោ ណាំហុង សហប្រធានគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន ហើយលោកឧបនាយករដ្ឋមន្ត្រី បានបន្តប្រគល់ជូន ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាល ដើម្បីចាត់ចែងព្យាបាលអ្នកកើតជំងឺកូវីដ១៩ ជាពិសេសក្នុងពេលដែលមានមេរោគបន្លែងថ្មីអូមីក្រុងនេះ នៅថ្ងៃទី២៨ ខែមករា ឆ្នាំ២០២២នេះ នៅទីស្តីការក្រសួងសុខាភិបាល។

ក្នុងឱកាសនោះ លោក Wang Wentian បានបញ្ជាក់យ៉ាងដូច្នេះថា៖ “ប្រទេសចិនកំពុងតែជំរុញការកសាងរោងចក្រ ផលិតវ៉ាក់សាំងនៅកម្ពុជា”។

កាលពីថ្ងៃទី១៧ ខែវិច្ឆិកា ឆ្នាំ២០២១ ក្នុងសន្និសីទសារព័ត៌មានអំឡុងទទួលជំនួយវ៉ាក់សាំងចិន នៅព្រលានយន្តហោះអន្តរជាតិភ្នំពេញ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើតាមរយៈឯកអគ្គរដ្ឋទូតចិនប្រចាំនៅកម្ពុជា ទៅកាន់លោក ស៊ី ជិនពីង ប្រធានាធិបតីចិនចិន ដើម្បីជំរុញឱ្យមានរោងចក្រសម្រាប់ផលិតវ៉ាក់សាំងបង្ការជំងឺកូវីដ១៩ របស់ចិន នៅក្នុងប្រទេសកម្ពុជា៕

អត្ថបទទាក់ទង

គម្រោង​បង្កើត​រោងចក្រ​ផលិត​វ៉ាក់សាំង​កូវីដ១៩​នៅកម្ពុជា ត្រូវបាន​ជំរុញ​ដោយ​រដ្ឋាភិបាល​ចិន

គម្រោងបង្កើតរោងចក្រផលិតវ៉ាក់សាំងកូវីដ១៩នៅកម្ពុជា ត្រូវបានជំរុញដោយរដ្ឋាភិបាលចិន