ផ្លឹស-ខេអេក ញូវ

លោកស្រីឱ វណ្ណឌីន ជំរុញឱ្យមានគ្រូពេទ្យចល័តខេត្ត ចុះចាក់វ៉ាក់សាំងដូសជំរុញជូនប្រជាពលរដ្ឋដល់ផ្ទះ

សង្គម
February 9th, 2022 (3 years)
Views: 288
Share

ក្រចេះ៖ លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ១៩ក្នុងក្របខណ្ឌទូទាំងប្រទេស បានណែនាំដល់រដ្ឋបាលខេត្ត ត្រូវរៀបចំក្រុមគ្រូពេទ្យចល័ត ដើម្បីចុះចាក់វ៉ាក់សាំងដូសជំរុញជូនដល់ប្រជាពលរដ្ឋនៅតាមមូលដ្ឋាន បន្ថែមពីទីតាំងដែលកំពុងតែដំណើរការចាក់ជាអចិន្ដ្រៃយ៍។

លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល បានថ្លែងដូច្នេះ ក្នុងឱកាសចុះពិនិត្យមើលដំណើរការចាក់វ៉ាក់សាំង នៅខេត្តក្រចេះ នាថ្ងៃទី០៨ ខែកុម្ភៈ ឆ្នាំ២០២២នេះ។

លោកជំទាវ ឱ វណ្ណឌីន បានគូសបញ្ជាក់ថា ការរៀបចំក្រុមគ្រូពេទ្យចល័ត ដើម្បីចុះចាក់វ៉ាក់សាំងជូនប្រជាពលរដ្ឋនេះ គឺដើម្បីរុញវ៉ាក់សាំងដែលមាននៅក្នុងដៃឱ្យដល់ខ្នងផ្ទះរបស់ប្រជាពលរដ្ឋតែម្ដង ពិសេសសម្រាប់អ្នកដែលលំបាកក្នុងការធ្វើដំណើរមកទីតាំងចាក់។

បើតាមលោកជំទាវ ឱ វណ្ណឌីន ដើម្បីដំណើរការនេះប្រព្រឹត្តទៅរលូន និងមានភាពច្បាស់លាស់នោះ អាជ្ញាធរមូលដ្ឋានត្រូវរៀបចំធ្វើជំនឿលើប្រជាពលរដ្ឋពាក់ព័ន្ធការងារចាក់វ៉ាក់សាំង ពិសេសដើម្បីដឹងច្បាស់ថា ពួកគាត់ចាក់វ៉ាក់សាំងបានប៉ុន្មានដូសហើយ និងដល់វេលាកំណត់ដើម្បីចាក់ដូសជំរុញហើយឬនៅ។ ដូច្នេះក្រុមគ្រូពេទ្យ និងអាជ្ញាធរមូលដ្ឋាន ត្រូវសហការគ្នារកចំនួនអ្នកដែលមិនទាន់បានចាក់ដូសជំរុញ រួចកំណត់ថ្ងៃដើម្បីរៀបចំក្រុមគ្រូពេទ្យចុះទៅចាក់ជូនពួកគាត់៕

អត្ថបទទាក់ទង

លោកស្រីឱ វណ្ណឌីន ជំរុញឱ្យ​មាន​គ្រូពេទ្យ​ចល័តខេត្ត ចុះចាក់​វ៉ាក់សាំង​ដូសជំរុញ​ជូន​ប្រជាពលរដ្ឋ​ដល់​ផ្ទះ

លោកស្រីឱ វណ្ណឌីន ជំរុញឱ្យមានគ្រូពេទ្យចល័តខេត្ត ចុះចាក់វ៉ាក់សាំងដូសជំរុញជូនប្រជាពលរដ្ឋដល់ផ្ទះ