ផ្លឹស-ខេអេក ញូវ

មិនឈរមើលនឹងភ្នែក គ្រាន់តែឪពុកធម៌គ្មានលទ្ធភាពបង់ថ្លៃមន្ទីរពេទ្យ Bosco ចេញមុខចាត់ចែងថ្លៃចំណាយភ្លាម

កម្សាន្ត
February 24th, 2022 (3 years)
Views: 210
Share

ហុងកុង៖ នៅសុខៗ ភ្នែករបស់តារាសម្តែងជើងចាស់ Peter Lai ឡើងហើម ទើបលោកបានទៅមន្ទីរពេទ្យពិនិត្យដោយគ្រូពេទ្យបានឱ្យដឹងថា មូលហេតុដែលបណ្តាលឱ្យភ្នែករបស់លោកឡើងហើមបែបនេះដោយសារតែសរសៃឈាមខួរក្បាលរបស់លោករួមតូច។

ក្រៅពីសរសៃឈាមរួមតូចនៅខួរក្បាលហើយ គ្រូពេទ្យក៏ប្រទះឃើញសរសៃឈាមបេះដូងរបស់លោកក៏រួមតូចដូចគ្នា ពេលនោះលោកក៏បានសម្រេចចិត្តធ្វើការវះកាត់ដើម្បីបើកសរសៃឈាមបេះដូងឱ្យមានភាពប្រក្រតីឡើងវិញ។

បន្ទាប់ពីធ្វើការវះកាត់បានជោគជ័យហើយ Peter នៅជួបឧបសគ្គមួយទៀត គឺលោកគ្មានប្រាក់បង់ថ្លៃពេទ្យដោយគិតត្រឹមថ្លៃមន្ទីរពេទ្យ ត្រូវចំណាយជាង១ម៉ឺនដុល្លារ និងថ្លៃវះកាត់ត្រូវចំណាយអស់ជាង២ម៉ឺនដុល្លារបន្ថែម ទើបលោកមិនមានលទ្ធភាពគ្រប់គ្រាន់ក្រោយសម្រាកការងារអស់រយៈពេលខ្លីមកនេះ។

តែជាសំណាងដែលកូនប្រុសធម៌របស់លោក គឺតារាសម្តែងប្រុស Bosco Wong បានចេញមុខបង់ថ្លៃមន្ទីរពេទ្យឱ្យភ្លាមបន្ទាប់ពីទទួលបានដំណឹង ប៉ុន្តែមិនមានប្រភពណាមួយបញ្ជាក់ឡើយថា ប្រាក់ទាំងនោះលោកឱ្យ Peter ខ្ចី ឬជាការជួយដោយមិនត្រូវការសងត្រលប់មកវិញនោះទេ។

នៅពេលដែលសារព័ត៌មានបានសួរនាំទាក់ទងថ្លៃមន្ទីរពេទ្យ Bosco បានឆ្លើយយ៉ាងសាមញ្ញថា “រឿងបែបនេះរវាងឪពុក និងកូនគ្មានអ្វីត្រូវនិយាយច្រើនឡើយ ប្រសិនមានសមត្ថភាពជួយបាន គឺត្រូវធ្វើ”។ គួរបញ្ជាក់ដែរថា Peter និង Bosco បានស្គាល់គ្នាតាមរយៈការសម្តែងរឿង “ម្តាយក្មេកកាច ប៉ះកូនប្រសារឆ្នាស” ក្នុងឆ្នាំ២០០៤ ចាប់ពីពេលនោះមក អ្នកទាំង២ក៏សម្រេចចិត្តរាប់អានគ្នាជាឪពុក និងកូនធម៌តែម្តង៕

អត្ថបទទាក់ទង

មិនឈរមើល​នឹងភ្នែក គ្រាន់តែ​ឪពុកធម៌​គ្មាន​លទ្ធភាព​បង់ថ្លៃមន្ទីរពេទ្យ Bosco ចេញមុខ​ចាត់ចែង​ថ្លៃចំណាយ​ភ្លាម

មិនឈរមើលនឹងភ្នែក គ្រាន់តែឪពុកធម៌គ្មានលទ្ធភាពបង់ថ្លៃមន្ទីរពេទ្យ Bosco ចេញមុខចាត់ចែងថ្លៃចំណាយភ្លាម