ផ្លឹស-ខេអេក ញូវ

មនុស្ស ១១នាក់នៅខេត្តត្រាត ប្រទេសថៃ ឆ្លងជំងឺគ្រុនចាញ់របស់សត្វស្វា

សង្គម
May 25th, 2022 (3 years)
Views: 244
Share

ថៃ៖ អភិបាលខេត្តត្រាត ប្រទេសថៃ បាននិយាយកាលពីថ្ងៃចន្ទ ថា មនុស្សចំនួន ១១ នាក់នៅក្នុងស្រុកចំនួនពីរ ត្រូវបានរកឃើញជំងឺគ្រុនចាញ់មួយប្រភេទ ដែលឆ្លងពីសត្វស្វា (Macaque) តាមរយៈភ្នាក់ងារចម្លង ពោលគឺមូសដែកគោល។

លោក Chamnanwit Terat អភិបាលខេត្តត្រាត កំពុងមានការប្រុងប្រយ័ត្នខ្ពស់ បន្ទាប់ពីអាជ្ញាធរសុខាភិបាលបានបង្ហាញថា ខេត្តត្រាត រួមនឹងខេត្តសុងខ្លា និងរ៉ានុង នៅភាគខាងត្បូង មានអ្នកឆ្លងច្រើនបំផុត ដោយប៉ារ៉ាស៊ីត Plasmodium knowlesi ។

ការឆ្លងចំនួន ៩នាក់ត្រូវបានរាយការណ៍នៅកោះឆាង ខណៈអ្នកផ្សេងទៀតនៅស្រុកបូរ៉ាយ។ យោងតាមអភិបាលខេត្ត បន្តថា អ្នកជំងឺភាគច្រើនរស់នៅ និង ឬ ធ្វើការនៅជិតព្រៃឈើ។

លោក Chamnanwit បានបន្តថា ទោះបីជាពួកគេបានជាសះស្បើយតាំងពីពេលនោះមកក៏ដោយ ក៏ពួកគេត្រូវបានស្នើសុំឱ្យរក្សាការប្រុងប្រយ័ត្ន ដើម្បីការពារការឆ្លងចូលទៅសហគមន៍បន្ថែមទៀត។

នាយកដ្ឋានប្រយុទ្ធនឹងជំងឺឆ្លងថៃ ក៏ព្រមានប្រជាពលរដ្ឋដែលរស់នៅក្បែរជម្រកសត្វស្វា ឱ្យមានការប្រុងប្រយ័ត្នន្ថែមទៀត៕

អត្ថបទទាក់ទង

មនុស្ស ១១នាក់​នៅខេត្តត្រាត ប្រទេសថៃ ឆ្លង​ជំងឺគ្រុនចាញ់​របស់​សត្វស្វា

មនុស្ស ១១នាក់នៅខេត្តត្រាត ប្រទេសថៃ ឆ្លងជំងឺគ្រុនចាញ់របស់សត្វស្វា