ផ្លឹស-ខេអេក ញូវ

ឮសូរល្ហៀងៗថា ពិធីការិនីដ៏ឆ្នើម វីតវីត នឹងមានអ្វីប្លែកដើម្បីពញាក់អារម្មណ៍ទស្សនិកជនក្នុងកម្មវិធី “Saturday Night LIVE – Let’s Party” ស្អែកនេះ

កម្សាន្ត
June 17th, 2022 (2 years)
Views: 187
Share

ភ្នំពេញ៖ អស់រយៈពេលប៉ុន្មានសប្តាហ៍មកនេះ កម្មវិធី “Saturday Night LIVE – Let’s Party” បានដំណើរការទៅយ៉ាងរលូនដោយក្នុងមួយវគ្គទៅមួយវគ្គ កម្មវិធីបានសម្រិតសម្រាំងយ៉ាងយកចិត្តទុកដាក់ ដើម្បីផ្តល់ការកម្សាន្តដល់ទស្សនិកជនឱ្យបានសប្បាយនៅថ្ងៃចុងសប្តាហ៍។

យ៉ាងណាមិញ កាលពីសប្តាហ៍ទី២នៃកម្មវិធី ពិធីការិនីដ៏ឆ្នើម វីតវីត ធ្លាប់ទទួលបានបាច់ផ្កាដ៏ស្រស់ស្អាតមួយដោយមិនដឹងថា នរណាជាម្ចាស់បាច់ផ្កាឡើយ ដែលពេលនោះក្រុមការងារបានពញាក់អារម្មណ៍នាងដល់លើឆាកតែម្តង ខណៈពេលកម្មវិធី Saturday Night LIVE – Let’s Party កំពុងដំណើរការ។

ដូចនេះសម្រាប់សប្តាហ៍នេះវិញ វីតវីត នឹងមានអ្វីថ្មីដើម្បីពញាក់អារម្មណ៍ទស្សនិកជនវិញម្តង ប៉ុន្តែមិនទាន់ដឹងថា វីតវីត កំពុងត្រៀមធ្វើអ្វីដើម្បីញ៉ាំងឱ្យបរិយាកាសក្នុងកម្មវិធីកាន់តែអស្ចារ្យជាងនេះនោះឡើយ។

បន្ថែមពីនេះផងដែរ កម្មវិធី Saturday Night LIVE – Let’s Party ក៏នឹងមានការបង្ហាញជូននូវការរាំច្រៀងសប្បាយៗបែបតន្ត្រីរ៉ក់ ដែលមានក្រុម ENTERNAL BAND ជាអ្នកឡើងមកអង្រួនឆាកសម្រាប់កម្មវិធីស្អែកនេះផងដែរ។

កម្មវិធី Saturday Night LIVE – Let’s Party ផ្សាយផ្ទាល់រៀងរាល់ថ្ងៃសៅរ៍ វេលាម៉ោង ៧-៩យប់នៅលើកញ្ចក់ទូរទស្សន៍ CTN និងផ្សាយផ្ទាល់នៅ CBS Digital ផងដែរលើផេកផ្លូវការរបស់ CTN TV។ ដូចនេះកុំភ្លេចរង់ចាំទស្សនាទាំងអស់គ្នា និងអាចចូលរួមរាំសប្បាយដោយសេរីផងដែរនៅស្ថានីយទូរទស្សន៍ CTN៕

អត្ថបទទាក់ទង