ផ្លឹស-ខេអេក ញូវ

ភ្លៀង លាយឡំខ្យល់កន្ត្រាក់ នឹងបន្តកើតមាននៅទូទាំងប្រទេសក្នុងសប្ដាហ៍នេះ

សង្គម
July 5th, 2022 (3 years)
Views: 161
Share

ភ្នំពេញ៖ ក្រសួងធនធានទឹក និងឧតុនិយម បានឱ្យដឹងថា ចាប់ពីថ្ងៃទី ៦ ដល់ ១២ ខែកក្កដា ឆ្នាំ២០២២ ព្រះរាជាណាចក្រកម្ពុជា បន្តទទួលរងឥទ្ធិពលពីជ្រលងនៃប្រព័ន្ធសម្ពាធទាប ដែលកើតឡើងអូសបន្លាយ លើភាគខាងជើងប្រទេសថៃ ឡាវ និងវៀតណាម ជាមួយនិងឥទ្ធិពលនៃខ្យល់មូសុងនិរតី បក់ក្នុងល្បឿនពី មធ្យមទៅបង្គួរ។

ក្រសួងធនធានទឹក បានបន្តថា តំបន់ទំនាបកណ្តាល នឹងអាចសីតុណ្ហភាពអប្បបរមា មានពី ២៤-២៦ °C សីតុណ្ហភាពអតិបរមា មានពី ៣៣-៣៥ °Cព្រមទាំងអាចមានភ្លៀងក្នុងកម្រិតពីតិចទៅបង្គួរ លាយឡំទៅដោយផ្គរ រន្ទះ និងខ្យល់កន្ត្រាក់ ទន្ទឹមនោះ ក៏អាចមានកន្លែងខ្លះភ្លៀងធ្លាក់ច្រើនដោយអន្លើ។

សម្រាប់ តំបន់ខ្ពង់រាប សីតុណ្ហភាពអប្បបរមា មានពី ២៣-២៥ °C សីតុណ្ហភាពអតិបរមា មានពី ៣២-៣៤ °C ព្រមទាំងនឹងអាចមានភ្លៀងក្នុងកម្រិតពីតិចទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ហើយក៏អាចមានកន្លែងខ្លះភ្លៀងធ្លាក់ច្រើនដោយអន្លើ ។

ចំពោះតំបន់មាត់សមុទ្រ សីតុណ្ហភាពអប្បបរមា មានពី ២២-២៥ ºCសីតុណ្ហភាពអតិបរមា មានពី ៣៣-៣៥ °C ថែមទាំងនឹងអាចមានភ្លៀងក្នុងកម្រិតពីមធ្យមទៅច្រើន លាយឡំទៅដោយផ្គរ រន្ទះ និងខ្យល់កន្ត្រាក់ ព្រមទាំងរលក សមុទ្រមានកម្ពស់ខ្ពស់៕

អត្ថបទទាក់ទង

ភ្លៀង លាយឡំខ្យល់កន្ត្រាក់ នឹង​បន្តកើត​មាន​នៅទូទាំងប្រទេស​ក្នុង​សប្ដាហ៍នេះ

ភ្លៀង លាយឡំខ្យល់កន្ត្រាក់ នឹងបន្តកើតមាននៅទូទាំងប្រទេសក្នុងសប្ដាហ៍នេះ