ផ្លឹស-ខេអេក ញូវ

លើសសម្ពាធឈាមអាចបង្ហាញរោគសញ្ញាអស់កម្លាំងដែរទេ?

សម្រស់ជីវិត
March 27th, 2023 (3 years)
Views: 460
Share

អាការអស់កម្លាំង អាចបណា្ដលមកពីមូលហេតុច្រើនយ៉ាង ក្នុងនោះអាចជាការគេងមិនគ្រប់គ្រាន់ រាងកាយខ្វះវីតាមីន ឬខ្សោយគ្រាប់ឈាមក្រហម ក៏អាចបណ្ដាលឱ្យអស់កម្លាំងបានដែរ។ ប៉ុន្ដែករណីមួយទៀត ការអស់កម្លាំងក៏បណ្ដាលមកពីបញ្ហាលើសសម្ពាធឈាមដែរ។ការលើសសម្ពាធឈាមធ្វើឱ្យយើងប្រឈមនឹងការអស់កម្លាំង ងងុយគេង។

មូលហេតុនោះគឺថា នៅពេលសម្ពាធឈាមឡើងខ្ពស់ បេះដូងក៏ចាប់ផ្ដើមធ្វើការខ្លាំងជាងធម្មតា ដើម្បីច្របាច់ឈាម បញ្ជូនអុកស៊ីសែនទៅកាន់ខួរក្បាល និង សរីរាង្គដទៃទៀតឲ្យគ្រប់គ្រាន់ ដូច្នេះទើបបណ្ដាលឱ្យយើងងាយអស់កម្លាំង។ មិនតែប៉ុណ្ណោះការលើសសម្ពាធឈាមក៏មានរោគសញ្ញាបន្ទាប់បន្សំផ្សេងៗទៀតផងដែរ ដូចជា ហៀរសំបោរ ឈឺក្បាល ចុកទ្រូង ស្រវាំងភ្នែក ចុករួយក បេះដូងលោតញាប់ និង ថប់ដង្ហើម។ការលើសសម្ពាធឈាមដោយបង្ហាញរោគសញ្ញាអស់កម្លាំង គឺមិនសូវប្រឈមគ្រោះថ្នាក់នោះទេ យើងអាចទៅជួបជាមួយគ្រូពេទ្យទាន់ពេលវេលា និង ធ្វើការពិនិត្យមើលសម្ពាធឈាម ដើម្បីទទួលការព្យាបាលឱ្យត្រឹមត្រូវ ដូច្នេះមិនជាបញ្ហាព្រួយបារម្ភនោះទេ។តើការថយចុះសម្ពាធឈាម អាចបណ្ដាលឲ្យអស់កម្លាំងដែរទេ?

មិនថាការឡើង ឬ ចុះសម្ពាធឈាមនោះទេ គឺមានទំនាក់ទំនងរវាងបេះដូង និង ខួរក្បាល ដូច្នេះ ហើយការថយចុះសម្ពាធឈាមក៏អាចធ្វើឱ្យអស់កម្លាំងដូចគ្នា។
លោកវេជ្ជបណ្ឌិត Luke Laffin នៃមន្ទីរព្យាបាល clevelandclinic បានមានប្រសាសន៍ថា ការថយចុះសម្ពាធឈាម ករណីខ្លះមិនបង្ហាញរោគសញ្ញាអ្វីគួរកត់សម្គាល់នោះទេ ប៉ុន្ដែករណីភាគច្រើនក៏បង្ហាញរោគសញ្ញា អស់កម្លាំង និង ចុះខ្សោយ ព្រោះពេលសម្ពាធឈាមថយចុះ នោះខួរក្បាលក៏មិនអាចទទួលបានឈាមគ្រប់គ្រាន់នោះដែរ ទើបធ្វើឲ្យយើងមានអារម្មណ៍ អស់កម្លាំង ល្ហិតល្ហៃ៕

ប្រភព៖ Hellokrupet

អត្ថបទទាក់ទង