ផ្លឹស-ខេអេក ញូវ

ក្រោយទារកចាក់វ៉ាក់សាំង មានឡើងពក ឬខ្ទុះ តិចច្រឡំច្របាច់ មិនល្អទេ

សម្រស់ជីវិត
August 24th, 2021 (4 years)
Views: 522
Share

ជាទូទៅ ក្រោយពេលចាក់វ៉ាក់សាំងហើយ មិនថាចំពោះមនុស្សធំ ឬក៏ទារកតូចទេ តែងតែមានបង្ហាញរោគសញ្ញានៃផលរំខានមួយចំនួនដូចជា ក្ដៅខ្លួន ឈឺមុខម្ជុល ឬឈឺចុកដៃជាដើម។ ស្របគ្នានេះ ក្រោយទារកចាក់វ៉ាក់សាំងហើយ មួយចំនួនឃើញមានឡើងដុំពកកន្លែងចាក់នោះ ខ្លះមានខ្ទុះទៀត ប៉ុន្តែអ្នកជំនាញមិនឲ្យយើងប៉ះពាល់ដុំពកទេ។

លោកស្រីវេជ្ជបណ្ឌិត គុជ ឆោមដាលីន ឯកទេសរោគកុមារ ថា ករណីកន្លែងចាក់វ៉ាក់សាំងឡើងដុំពក ហើយខ្លះមានខ្ទុះអាចបណ្ដាលមកពីការបង្ករោគ រលាកស្បែក ដែលបញ្ហានេះអាចបណ្តាលមកពីការចាក់មិនបានត្រឹមត្រូវ ចាក់ដោយមិនបានជូតសម្អាតស្បែកក្មេង ។ ជួនកាល វាអាចកើតឡើងបានដោយសារការយកវត្ថុកខ្វក់មកជូត ឬបិតលើមុខម្ជុល ឬក៏អាចមកពីអាអូនមានប្រតិកម្មនឹងសារធាតុក្នុងវ៉ាក់សាំង។
ចុចត្រង់នេះ ដឹងពីអត្ថន័យពណ៌ និងរូបរាងលាមកទារកកាន់តែច្បាស់
ទន្ទឹមនឹងនេះ លោកស្រីវេជ្ជបណ្ឌិត កុសល កណិការ ឯកទេសរោគកុមារ បានពន្យល់ឱ្យដឹងថា ជាធម្មតា ក្រោយទារកចាក់វ៉ាក់សាំងការពារជំងឺរបេង (BCG) ហើយវានឹងបន្សល់ស្នាមពកតូច ជួនកាលមានខ្ទុះតិចតួចដែលនេះជាការឆ្លើយតបរបស់ប្រព័ន្ធភាពស៊ាំទៅនឹងវ៉ាក់សាំង។

“ចាស់ៗខ្លះគាត់មិនដឹង គាត់យកដៃច្របាច់ទើបវាក្លាយជាមានខ្ទុះកាន់តែច្រើន ឬអាចបណ្ដាលឱ្យឆ្លងមេរោគជាដើម។ ម្ដាយទារកដែលយកកូនមកជួបខ្ញុំដោយសារបញ្ហាស្នាមពកនេះ ហើយប្រាប់ខ្ញុំថាកូនគាត់កើតបូស។” នេះបើតាមការឱ្យដឹងពីវេជ្ជបណ្ឌិត កុសល កណិការ។
បន្ថែមពីលើនេះ លោកស្រីវេជ្ជបណ្ឌិត កុសល កណិការ បានណែនាំថា អ្វីដែលយើងត្រូវធ្វើគឺទុកឱ្យស្នាមពកតូចនោះបាត់ទៅវិញដោយខ្លួនឯង ហើយវានឹងបន្សល់ស្លាកស្នាមលើស្មាកូន ហើយចៀសវាងយកដៃទៅច្របាច់ស្នាមពកនោះ។ ប្រសិនបើមានឆ្លងមេរោគក្លាយជាដំបៅ ត្រូវប្រញាប់នាំកូនតូចទៅជួបលោកគ្រូពេទ្យភ្លាម ដើម្បីព្យាបាលជាបន្ទាន់៕

ប្រភព៖ Hellokrupet

អត្ថបទទាក់ទង

ក្រោយ​ទារក​ចាក់​វ៉ាក់សាំង មានឡើងពក ឬខ្ទុះ តិចច្រឡំ​ច្របាច់ មិនល្អទេ

ក្រោយទារកចាក់វ៉ាក់សាំង មានឡើងពក ឬខ្ទុះ តិចច្រឡំច្របាច់ មិនល្អទេ