ព័ត៌មានថ្មី
- ចាញ់ធ្លាក់! សម្ពាធក្នុងការប្រកួតប្រជែង និងភាពជាអ្នកដឹកនាំ នៅក្នុងសប្ដាហ៍ទី១៦ នៃកម្មវិធី MasterChef Cambodia ថ្ងៃអាទិត្យខាងមុខនេះ
- ឧត្តុង នៅតែនឹករលឹកពេលវេលាប្រកួតក្នុងផ្ទះបាយ MasterChef Cambodia
- សុភ័ក្ត កុសុម៉ា បានត្រឹមឆ្លើយតបទៅអ្នកគាំទ្របែបនេះក្រោយមានអ្នកសុំឱ្យនាងត្រលប់ទៅស្រលាញ់គ្នា Private វិញ
- WOW! បេក្ខជន MasterChef បញ្ញា ក្រៅពីពូកែចម្អិនម្ហូបហើយ ធ្លាប់ឈ្នះមេដាយមាសជូនកម្ពុជា ក្នុងព្រឹត្តិការណ៍ពិភពលោកមួយថែមទៀត
- អតីតបេក្ខជន MasterChef Cambodia រដូវកាលទី៣ម្នាក់នេះកំពុងចាប់ផ្ដើមមាតិកាម្ហូបខ្មែរ ក្រោយចាកចេញពីកម្មវិធី
លាបឡេការពារសង្វារលើពោះផ្តេសផ្តាស ប្រយ័ត្នប៉ះពាល់កូនក្នុងផ្ទៃ
- សម្រស់ជីវិត
- October 11th, 2021 (3 years)
ស្ត្រីមានផ្ទៃពោះគ្រប់រូបច្បាស់ជាព្រួយបារម្ភហើយរឿងសង្វារនៅលើពោះ ខា្លចលែងស្អាត កើតកូនហើយពោះមានសង្វារខ្លាំងពិបាកមើល។ ដូចនេះមានម៉ាក់ៗខ្លះ លាបឡេផ្តេសផ្តាសទៅលើពោះ ដើម្បីការពារកុំឱ្យកើតសង្វារខ្លាំង ដោយមិនដឹងថា វាមានប៉ះពាល់ដល់កូន ឬក៏អត់។
ចំពោះបញ្ហាមួយនេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យមិត្តភាពកម្ពុជា-ចិន បានបកស្រាយឱ្យដឹងថា ផលិតផលដែលជួយការពារសង្វារអំឡុងពេលពពោះមានខ្លះមិនប៉ះពាល់ ហើយក៏មានមួយចំនួនដែលអាចប៉ះពាល់ដល់កូនក្នុងផ្ទៃបានដែរ។ ផលិតផលដែលមានផលប៉ះពាល់ទាំងនោះអាច ជ្រាបតាមស្បែកចូលទៅសរសៃឈាម ហើយជាតិគីមីមាននៅក្នុងផលិតផលនោះអាចបណ្តាលឱ្យប៉ះពាល់ដល់កូន។
លោកវេជ្ជបណ្ឌិត បានបញ្ជាក់ថា ឡេ ឬគ្រីមទាំងនោះអាចបណ្តាលឱ្យទារកមានបញ្ហាប្រឈមខាងក្រោមនេះ៖
– កើតមកមិនគ្រប់លក្ខណៈ
– កើតមុនខែ
– រលូត
– ឆែបមាត់ ក្រអូមមាត់
– កើតមិនគ្រប់គីឡូ
– ប៉ះពាល់ដល់ប្រាជ្ញាស្មារតីជាដើម។
ស្របគ្នានេះដែរ លោកវេជ្ជបណ្ឌិត បានណែនាំទៀតថា យកល្អមិនគួរប្រើពពួកឡេ ឬគ្រីមដែលការពារសង្វារក្នុងពេលពពោះទេ ព្រោះមិនត្រឹមតែផ្តល់ផលប៉ះពាល់ទេ វាមិនប្រាកដទេថា ផលិតផលអស់នោះពិតជាជួយការពារ ឬបំបាត់សង្វារបានមែន ឬយ៉ាងណា។ បើមិនចង់កើតសង្វារខ្លាំង ស្រ្តីពពោះៗ គួរញ៉ាំអាហារឱ្យបានត្រឹមត្រូវ ហាត់ប្រាណ រក្សាទម្ងន់តាមការណែនាំ និងរក្សាស្បែកឱ្យមានសំណើម តាមក្បួនធម្មជាតិទាំងនេះវិញទើបមិនគួរឱ្យបារម្ភ៕
ប្រភព៖ Hellokrupet
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
